УЬЗБЕКЛЕР

Маданият Ёлдаш
1 сентября 2014 в 14:46 1465
Прочту позже



  • Бёрюню нечакъы ашатсанг да, ит болмас.

  • Бош къап тик турмас.

  • Бойнундан байлангъан ит гьавгъа ярамас.

  • Гюлню сюйген, тегенеклерин де сюй.

  • Тепсиге бозаргъан дос болмас.

  • Там къырыйда сёйлеме, тамны да къулакълары бар.

  • Баш тетикни бёрк ябар.

  • Къаракъуш къарт болса, чычкъангъа гьавлар.

  • Бюрчеге айып этип, ювургъанын яллатгъан.

  • Эки къарчыгъа давлашса, бир къаргъагъа аш болур.

  • Йылан хапгъан аркъандан къоркъур.

  • Ит къутурса, есисин хабар.

  • Итге берсенг ашынгны, итлер ашар башынгны.

  • Иш битгенде насигьатлар бере­генлер кёп болур.

  • Ишге – чолакъ, ашгъа – къонакъ.

  • Аз сёйлесенг, кёп эшитерсен.

  • Ярлыны бир тойгъаны– бай болгъаны.

  • Гюнню гёзлери, гечени къулакълары бар.

  • Бир душман–кёп, минг къурдаш – аз.

  • Душманны кюлейгени–сырынгны билегени.

  • Бёркюн алып гел десе, башын да алып геле.

  • Доссуз башым–тузсуз ашым.

  • Ачув гелсе–гьакъыл гетер.

  • Жаным-жаным деп, жанымны ала эди.

  • Аякъгийиминг тар буса, дюньяны­ генглигинден не пайда.

  • Айда-йылда бир базар, ону да янгур бузар.

  • Алтын-гюмюш таш болур, арпа-будай аш болур.

  • Ат – мингенники, тон – гийгенники.

  • Гьазир ашны оьмюрю къысгъа.

  • Кёкге бакъгъан сюрюнер.

  • Сокъур тавукъгъа бары да зат будай.

  • Макътанма, къаз, гьюнеринг аз.

  • Емиш бермейген терекге таш атмай.

  • Къонакъны алдында мишигинге «шит»деме.

  • Ашгъа амракъ тойда ашап оьлер.

  • Иши уллу, тепсиси къуру.

  • Авул итлер бёрю гелгенде биригир.

  • Тенги чыкъса, тегин бер.

  • Тайны тай деп ер этме, эртенине ат болур.

  • Тюлкю шагьатгъа къуйругъун тартар.

  • Тойгъа барсанг тоюп бар, яманлыгъынгны къоюп бар.

  • Башлап оьзюнге бакъ, сонг накъыра къакъ.

  • Балжибин хапмагъан балны хадирин билмес.

  • Арслан – гьызындан, батыр сёзюнден къайтмас.

  • Бакъа этден аш болмас, сюркю­чюден дос болмас.

  • Бир гиши къазгъан къуюдан­ минг гиши сув ичер.

  • Бир къынгъа эки хынжал гирмес.

  • Бир къочкъарны башын гесгенче, минг къойну жаны гетер.

  • Бириси чёкюч булан, еттиси чомуч булан.

 

Гьазирлеген П. Гьайбуллаева.