Яшланы кёп сюйген ва олар учун кёп асарлар яратгъан тёбен къазанышлы шаир Абдулмежит Межитов район газетни редактору, ата юртунда муаллим болуп ишлеп тургъан. «Къарчыгъа» чыкъмагъа башлагъанда ол журналны редактору гьисапда да чалышгъан. Чикдеси, ону аты къумукъ яшланы инг де сююмлю шаирлерини арасында бугюнлерде де айтылып геле. Шаир оьзюню асарларында гиччипавланы халкъын сюймеге, элине гьалал болмагъа, яхшылыкълар этмеге уьйрете. «Энемжаяда» бу гезик ону бир шиърусун бермекни тийишли гёрдюм. Шаирни оьзге асарларын да сиз, яшлар, китапханадан ахтарып охужакъгъа инанып къаламан.

А. Межитов

Хыялым

Къуймур деген итимни

Бар эди беш баласы.

Дёртюсюн алып яшлар,

Магъа къалгъан аласы.

Тирисин берген эдим

Гиччи къойчу –Ярашгъа.

Ол магъа къозу берди

Кюлайгъа къайтарышгъа.

Къозудан бир къой этдим,

Къурдашым, айтсам сагъа!

Къой буса, эки эгиз

Акъ къозу берди магъа.

Къозуланы сакълайман,

Гёк отлагъа батыла.

Артымдан чабагъанда,

Къуйркълары атыла.

Олагъа къуллукъ этип,

Арымайман, ёкъ ялым.

Къозулардан гиччирек

Сирив этмек – хыялым.