– Мен оьзюмню касбумну сюемен. Школаны абзарына гирегенде, юрегимде бир тамаша сююнчлер тува. Мен яшлар булан ишлеме сюемен. Оланы школада биринчи абатлары, яшаву мени булан. Шону учун мен оланы гьакъ юрекден охутаман, тарбиялайман. Гиччи яшлар булан биз ёммакълагъа гёре гиччирек пьесалар салабыз. Яшлар булан бирче мен де къурчакълар тигемен, гиччирек сагьнабызны арив этип онгарабыз. Огь, не кёп сюе яшлар ёммакълагъа гёре пьесаларда ойнама.
Гьар муаллим ишин бажарма ва яшланы юрегинден сюйме герек. Оьтген 40 йылны ичинде мен охутгъан яшлар бары да уллу болгъан, яшавда оьз ерин тапгъан. Бугюн оланы яшлары магъа охума гелелер. Яшларсыз яшавумну татыву да болмас эди, – дей ол.
Дарсларда Риза Гьасановна дарс юрютюв булан байлавлу янгы китапланы къоллай. Гьар заман ону дарсларында билим беривде къолланагъан бир янгылыкъ бола.
– Риза Гьасановна – ишине берилген ва сынав топлагъан муаллим. Яшлар ону оьз анасы йимик сюе. Ону дарсларында яшлар яхшы тарбия ва билим алалар. Иш ёлдашларыны арасында ва юрт жамиятда ону абуру да бар. Школа – ону экинчи уью, – дей школаны охув ишлеге къарайгъан завучу Айшат Ансарова.
– Мени уланым Юнусну Риза Гьасановна охутгъан. Уланымны уланы Айгъазини де бугюн ол охута. Биринчи сентябрни алдында биринчи класгъа яшланы язагъанда, ата-аналар Риза Гьасановнагъа яздырма сюелер. Ону яшлар да ва ата-аналар да кёп сюелер. Мен ойлашагъан кюйде, шо – муаллим учун уллу уьстюнлюк ва сююнч, – дей чонтавуллу Абдуразакъ Халилов.
Кёп йылланы узагъында Риза Гьасановна башлапгъы класда дарс береген муаллимлени методика бёлюгюню ёлбашчысыны ишин юрюте. Ол ата-аналар булан тыгъыс байлав юрютюп ишлейген муаллим. Клас сагьатланы ва байрам чараланы Риза Гьасановна оьр даражада оьтгере. Яшланы ва ата-аналаны алдында абургъа лайыкълы Риза Гьасановна Къапуровагъа савлукъ ёрама сюемен.
Гьар муаллим ишин бажарма ва яшланы юрегинден сюйме герек. Оьтген 40 йылны ичинде мен охутгъан яшлар бары да уллу болгъан, яшавда оьз ерин тапгъан. Бугюн оланы яшлары магъа охума гелелер. Яшларсыз яшавумну татыву да болмас эди, – дей ол.
Дарсларда Риза Гьасановна дарс юрютюв булан байлавлу янгы китапланы къоллай. Гьар заман ону дарсларында билим беривде къолланагъан бир янгылыкъ бола.
– Риза Гьасановна – ишине берилген ва сынав топлагъан муаллим. Яшлар ону оьз анасы йимик сюе. Ону дарсларында яшлар яхшы тарбия ва билим алалар. Иш ёлдашларыны арасында ва юрт жамиятда ону абуру да бар. Школа – ону экинчи уью, – дей школаны охув ишлеге къарайгъан завучу Айшат Ансарова.
– Мени уланым Юнусну Риза Гьасановна охутгъан. Уланымны уланы Айгъазини де бугюн ол охута. Биринчи сентябрни алдында биринчи класгъа яшланы язагъанда, ата-аналар Риза Гьасановнагъа яздырма сюелер. Ону яшлар да ва ата-аналар да кёп сюелер. Мен ойлашагъан кюйде, шо – муаллим учун уллу уьстюнлюк ва сююнч, – дей чонтавуллу Абдуразакъ Халилов.
Кёп йылланы узагъында Риза Гьасановна башлапгъы класда дарс береген муаллимлени методика бёлюгюню ёлбашчысыны ишин юрюте. Ол ата-аналар булан тыгъыс байлав юрютюп ишлейген муаллим. Клас сагьатланы ва байрам чараланы Риза Гьасановна оьр даражада оьтгере. Яшланы ва ата-аналаны алдында абургъа лайыкълы Риза Гьасановна Къапуровагъа савлукъ ёрама сюемен.
Измулла ГЬАЖИЕВ.
Суратда: Р. Къапурова.
Автор чыгъаргъан сурат
