Оьзлени яйлыкъ каникулларыны бир гесегин Запорожск областны Михайлов районуну охувчу яшлары Дагъыстанда оьтгережек. 3-нчю июльда олар республикагъа гелди ва денгизни ягъасындагъы «Анжи мастер» деген лагерде ерлешдирилди.

 

– Запорожскиден гелген 50 яш толу кюйде Каспий денгизни ягъасында ял алгъандан къайры да, тарихи ерлерде де болажакъ, шо гьакъда жаваплылар да токъташдырылгъан, – дей Дагъыстанны билим берив ва илму министрни биринчи орунбасары Айида Далгьатова. – Бизде ял алгъан кюй оланы эсинде узакъгъа къалардай этмек учун чаралар гёрюлежек.

Бу лагерде къонакълагъа гележек уьч жуманы узагъында спорт булан машгъул болма, тенглилери булан гьаллашмагъа ва ял алмагъа имканлыкълар болдурулгъан.

Санкт-Петербургда оьтгерилген халкъара экономика форумда Дагъыстанны Башчысы Сергей Меликов Запорожск областны Михайлов районун аякъгъа турма кёмек этежекге сёйлешивлер юрютдю. Яшланы Дагъыстанда ял алма гелгени – шо сёйлешивлени биринчи абаты.