Дагъыстанны ёлбашчысы Сергей Меликовну Къарарына гёре, республиканы билим беривге ва илмугъа къарайгъан министри этилип Дагъыстан пачалыкъ юрт хозяйство университетини ректору Ягьия Гьамитович Бучаев салынгъан.
Экономика илмуланы доктору Ягьия Гьамитович Бучаев 1971-нчи йылда Магьачкъалада тувгъан. Шагьарда школаны, сонг буса Дагъыстан пачалыкъ универститетини матеиматика бёлюгюню лап яхшы къыйматлагъа битдирген.
Оьзюню загьмат ёлун Ягьия Бучаев 1993-нчу йылда Дагъыстан пачалыкъ юрт хозяйство университетинде инженер-программист гьисапда башлагъан. Арадан 3 йыл гетип ол шо оьр охув ожакъны финанс-экономика бёлюгюню деканы ва университетни тыш байлавлукълагъа къарайгъан департаментини ёлбашчысы этилип белгиленген.
Ягьия Бучаев 110 илму ва белим берив къайдаланы, шону ичинде 12 монографияланы автору да дюр.
Уьйленген, дёрт авлетин тарбиялай.
