Тутушуп ябушувдан яшланы арасында Темиркъазыкъ-Кавказ федерал округну Хасавюртда оьтгерилген чемпионатында алты республикадан 300-ден де артыкъ кочап ортакъчылыкъ этди.
Он бир кило авурлукъда округну чемпиону учунгъу ярышлар уьч гюн юрюлдю. Ярышланы ачылывунда Дагъыстан Республиканы спорт министрини 1-нчи заместители Зайнал Салавутдинов да ортакъчылыкъ этди.
Ярышланы ахырынчы гюнюнде финал ёлугъувлар бек къужурлу оьтдю. Дагъыстанны кочаплары 10 биринчи, 10 экинчи ва 11 уьчюнчю ерлени къазандылар. Къумукъ яшлардан 50 кило авурлукъда магьачкъалалы Исмайыл Гьажиев, 54 килода Магьамматали Сосураев ва 58 килода Гьабиб Къарачаев экинчи савгъатлагъа ес болдулар. Бабаюрт районну Адилянгыюртундан гелген Динислам Тахтаров 42 кило авурлукъда ва таргъулу Гьамзатхан Исрапилов 120 килода уьчюнчю ерлени алдылар.
– Округну чемпионатында биринчи ва бешинчи ерлени алгъанлар Владикавказ шагьарда оьтгерилежек Россияны чемпионатына баражакълар. Бугюнге Россияда бизин округну чемпионаты инг де гючлюлеринден деп санала. Ярышларда мен кёп яхшы техника гёрсетген яш кочапланы гёрдюм, – деди Россияны жыйым командасыны баш тренери Анзор Темботов.
Дагъыстанны яш кочапларыны баш тренери къумукъ улан Пахрудин Залибеков булай деди:
– Дагъыстандан бу ярышларда 99 яш кочап ортакъчылыкъ этди. Умуми гьисапда бизин яшлар 31 медаль къазандылар. Шо – яхшы натижа. Айтагъаным, он бир тюрлю авурлукъда онав биринчи ерни къазанды.
Суратда: ярышлардан гёрюнюш.
Он бир кило авурлукъда округну чемпиону учунгъу ярышлар уьч гюн юрюлдю. Ярышланы ачылывунда Дагъыстан Республиканы спорт министрини 1-нчи заместители Зайнал Салавутдинов да ортакъчылыкъ этди.
Ярышланы ахырынчы гюнюнде финал ёлугъувлар бек къужурлу оьтдю. Дагъыстанны кочаплары 10 биринчи, 10 экинчи ва 11 уьчюнчю ерлени къазандылар. Къумукъ яшлардан 50 кило авурлукъда магьачкъалалы Исмайыл Гьажиев, 54 килода Магьамматали Сосураев ва 58 килода Гьабиб Къарачаев экинчи савгъатлагъа ес болдулар. Бабаюрт районну Адилянгыюртундан гелген Динислам Тахтаров 42 кило авурлукъда ва таргъулу Гьамзатхан Исрапилов 120 килода уьчюнчю ерлени алдылар.
– Округну чемпионатында биринчи ва бешинчи ерлени алгъанлар Владикавказ шагьарда оьтгерилежек Россияны чемпионатына баражакълар. Бугюнге Россияда бизин округну чемпионаты инг де гючлюлеринден деп санала. Ярышларда мен кёп яхшы техника гёрсетген яш кочапланы гёрдюм, – деди Россияны жыйым командасыны баш тренери Анзор Темботов.
Дагъыстанны яш кочапларыны баш тренери къумукъ улан Пахрудин Залибеков булай деди:
– Дагъыстандан бу ярышларда 99 яш кочап ортакъчылыкъ этди. Умуми гьисапда бизин яшлар 31 медаль къазандылар. Шо – яхшы натижа. Айтагъаным, он бир тюрлю авурлукъда онав биринчи ерни къазанды.
Суратда: ярышлардан гёрюнюш.
