Оюнну биринчи минутундан тутуп, «Анжи» бу оюнну утма хыялы барны яшырмай, оюнну югенлерин де къолгъа тутуп, Песьяковну къапусуна арт-артындан бир нече къоркъунчлу чапгъынлар этди. Оланы натижасында оюнну ярым сагьаты да гетмей, Траоре эки юз процентли гол гийирердей мюгьлетни къолдан чыгъарды. Спартакны чапгъынчысы Мовсисян буса йигирма еттинчи минутда оюнда оьзюне тюшген биринчи мюгьлетден пайдаланып болду. О мюгьлет Мовсисянгъа «Спартакны» кёп сийрек чапгъынларыны бирисинде тюшдю. Ещенкону ва Ангбваны хатасындан пайдаланып, топну бизин бош къапулагъа бакъдырды. Биринчи тайм битгинче «Анжини» дагъы да мюгьлетлери болду, тек топ «Спартакны» къапусуна гирмеди. Оюнгъа о гюн тюшге таба гётерилген гючлю къатты ел де кёп пуршавлукъ этди. Танапусдан сонг да бизинкилер, елге къаршы ойнаса да, биринчи таймда гёрсетген тактикасын давам этди. Агьматов, Жусилей, Гьажибеков, Агъаларов шу оюнну кёп арив ойнады.
Бурмистров чу оюнну ахырында «Спартакны» боп-бош къапусуна дёрт метрдан тюз уруп болмай топну аутгъа да йиберди. Алдын ойналгъан оюнларда йимик бу оюнда да судья бизге къаршы кёп хаталар этди. Баш тренерибиз Гьажи Гьажиев оюн битгенде айтгъан кюйде, судьягъа экинчи таймда «Спартакны» къапусуна эки он бир метрлик пенальти берме тюше эди. Гелеген оюнун « Анжи» краснодарлы «Кубань» булан оланы футбол майданында бу айны 28-нде ойнай. 24-нде буса Раменское шагьарда Европаны лигасына «Анжи» Норвегияны «Тромсе» деген командасы булан группа турнирни уьчюнчю турун ойнажакъ.
Бурмистров чу оюнну ахырында «Спартакны» боп-бош къапусуна дёрт метрдан тюз уруп болмай топну аутгъа да йиберди. Алдын ойналгъан оюнларда йимик бу оюнда да судья бизге къаршы кёп хаталар этди. Баш тренерибиз Гьажи Гьажиев оюн битгенде айтгъан кюйде, судьягъа экинчи таймда «Спартакны» къапусуна эки он бир метрлик пенальти берме тюше эди. Гелеген оюнун « Анжи» краснодарлы «Кубань» булан оланы футбол майданында бу айны 28-нде ойнай. 24-нде буса Раменское шагьарда Европаны лигасына «Анжи» Норвегияны «Тромсе» деген командасы булан группа турнирни уьчюнчю турун ойнажакъ.
Шарабутдин Кишиев.
