Къарабудагъгент районну Уллубийавул юртунда тувуп оьсген 14 йыллыкъ чагъындагъы Эскендер Дагьиров лап гиччи заманындан тутуп спортну тутушуп ябушув журасы булан машгъул болуп геле. Оьзюне етти йыл болагъанда спортзалгъа бир керен гелген сонг, гьали шондан чыкъмагъа да сюймей деп айтмагъа ярай.

Ол бизин республиканы оьлчевюнде ва шондан тышда юрюлген ярышларда кёп керенлер алдынлыкъ аллгъан. Айтагъаным, тогъатартмагъа ябушув халчагъа чыкъгъанланы алдында да бир де тартынмай, сыртын ерге тийдирмесни къастын этип, гьаракатын болдура. Гьар къачанда оьзюн оьткюр, къоччакъ кюйде тута. Оьтгерилген ярышланы бирисинде Эскендер Дагьиров гьатта Россияны рекордларыны китабына язылгъан Къызылюрт районну Кировавул юртунда яшайгъан кочап Магьамматрасул Магьамматовну енгмеге болгъаны да шогъар шагьагьатлыкъ эте. Шону булан бирге, ярашларда ортакъчылыкъ эте туруп, ол яхшы сынав да топлагъанын исбатлай.

Шо гьакъда айта туруп, Эскендер Дагьировну уьстюнлюклери булан сююнюп, оьсюп-оьсюп залим болгъур, дюньялагъа малим болгъур деп, къумукъ халкъ айта гелеген ёравлар булан ону мен де алгъышлайман.