Гьюрметли къонакъланы арасында дюньяны ва Европаны чемпионлары Зайналабит Магьамматов, Абдулкерим Салаватов, Дагъыстан Республиканы тайбоксдан федерацияны президенти Абакар Абуков ва Дагъыстанны жыйым командасыны баш тренери Абдулнасыр Межитов бар эди.
Ярышлар дёрт гюн юрюлдю. Ахырынчы гюн буса финал ёлугъувлар болду.
– Тай боксну абуру гюн сайын артагъанын гьис этемен. Ярышларда республиканы районларындан ва шагьарларындан 504 тайбоксёр ортакъчылыкъ этди. Тай бокс яш спортсменлени гючлю эте, эргиши хасиятлагъа уьйрете. Оланы кёбюсю яхшы техника гёрсетип ябушдулар, – деди Абакар Абуков.
– Биз алдын 10–11 йыллыкъ яшланы арасында Дагъыстанны чемпионатын бир де оьтгермегенбиз. Гьали оьтгерме токъташдыкъ. Айтагъаным, ярышлар къурумлу оьтдю, – деди Абдулнасыр Межитов.
Магьачкъалада Жамал Къасумовну атындагъы спортклубну баш тренери, Россияны ат къазангъан тренери къумукъ улан Анварбек Амиржанов булай деди:
– Бизин спортклубну тайбоксёрлары ярышларда етти биринчи ерни къазанды. Умуми команда гьисапда бизин спортклуб биринчи ерге ес болду.
Кёстек юртдан ярышларда 16 яш ортакъчылыкъ этди. Олар уьч биринчи, дёрт экинчи ва дёрт уьчюнчю ерлени къазандылар. Чемпион атны Кёстек орта школаны 9-нчу класыны охувчусу Жумахан Гьажиев де къазанды.
Кёстек юртлу чемпионланы ярышлагъа тренерлер Шихмагьаммат Дугужев, Болат Моллаев ва Абдулкерим Салаватов гьазирлегенлер. «Ботаюрт» деген спорт школаны (тренери Алибий Казиев) тайбоксёрлары да ярышларда кёп савгъатлы ерлени къазандылар.
Автор чыгъаргъан сурат.
Ярышлар дёрт гюн юрюлдю. Ахырынчы гюн буса финал ёлугъувлар болду.
– Тай боксну абуру гюн сайын артагъанын гьис этемен. Ярышларда республиканы районларындан ва шагьарларындан 504 тайбоксёр ортакъчылыкъ этди. Тай бокс яш спортсменлени гючлю эте, эргиши хасиятлагъа уьйрете. Оланы кёбюсю яхшы техника гёрсетип ябушдулар, – деди Абакар Абуков.
– Биз алдын 10–11 йыллыкъ яшланы арасында Дагъыстанны чемпионатын бир де оьтгермегенбиз. Гьали оьтгерме токъташдыкъ. Айтагъаным, ярышлар къурумлу оьтдю, – деди Абдулнасыр Межитов.
Магьачкъалада Жамал Къасумовну атындагъы спортклубну баш тренери, Россияны ат къазангъан тренери къумукъ улан Анварбек Амиржанов булай деди:
– Бизин спортклубну тайбоксёрлары ярышларда етти биринчи ерни къазанды. Умуми команда гьисапда бизин спортклуб биринчи ерге ес болду.
Кёстек юртдан ярышларда 16 яш ортакъчылыкъ этди. Олар уьч биринчи, дёрт экинчи ва дёрт уьчюнчю ерлени къазандылар. Чемпион атны Кёстек орта школаны 9-нчу класыны охувчусу Жумахан Гьажиев де къазанды.
Кёстек юртлу чемпионланы ярышлагъа тренерлер Шихмагьаммат Дугужев, Болат Моллаев ва Абдулкерим Салаватов гьазирлегенлер. «Ботаюрт» деген спорт школаны (тренери Алибий Казиев) тайбоксёрлары да ярышларда кёп савгъатлы ерлени къазандылар.
Автор чыгъаргъан сурат.
