Усталар бизде бар экен...
Выставкада «Бабаюрт район» деген муниципал къурулувну администрациясыны ёлбашчысы Ж. Шайыбов, ону орунбасары С. Къурбанов, Бабаюртдагъы инчесаният школаны завучу Айна Отевова, районну маданият управлениесини ёлбашчысы Рукия Абукъаева ортакъчылыкъ этдилер.
– Бугюнгю выставканы оьтгерилмеклигини аслу борчу – арагъа пагьмулу усталаны чыгъармакъ, – дей мени булангъы лакъырында Бабаюртдагъы инчесаният школаны завучу Айна Отевова. – Шолай усталар районну къайсы юртунда да бар. Амма олар ва оланы пагьмулары яшыртгъын турагъан йимик гёрюне. Выставкалар оьтгере туруп буса, биз оланы халкъгъа белгили этмеге, пагьмусу барланы алдында янгы ёллар ачмагъа имканлыкълар яратабыз.
Тюзюн айтмагъа герек, гертилей де, кёплер эшитме де эшитмеген усталаны къоллары булан яратылгъан уьйлюкде къолланагъан алатланы, савгъатланы, тастарланы, не башынгны авуртайым, кимни де гёзюн къаратардай гёзелликлени бизин арабызда яшап турагъанлар этгенге инамсызлыкъ да этер йимик эди. Адилянгыюртлу Ш.Пашаев яратгъан агъач алатланы гёзеллигине сукъланмай болмайсан. Пачаны тажындан башлап, стол гюзгюлер, агъачкъомузгъа етишгенче оьзюню къоллары булан этген алатлагъа къарап, устаны пагьмусуна мюкюр болмай болмайсан.
Бугюн унутула барагъан тастар согъувну усталары бабаюртлу Павзия Алиева, туршунайлы Зульфия Абакарова ва янгыкаралы Умижат Ражабова оьзлени гьюнерин къаравчулагъа мастер-клас гьисапда гёрсетдилер. Люксембурглу Дина Шихсайитова минчакълардан этген гюллени гёзеллигине, кагъыздан этилген къувланы гьайранлыгъына къаравчулар хошландылар.
Ери гелгенде айтмагъа ярай, Бабаюртда Россияны мердешленген маданият центрыны ачылмакълыгъы булан выставкада ортакъчылыкъ этген усталагъа оьзлени пагьмусун оьсюп гелеген яш наслугъа да уьйретмеге имканлыкълар яратылгъан. Шо гьакъда айта туруп, выставкада къаравчу гьисапда да, район администрацияны ёлбашчысы гьисапда да ортакъчылыкъ этеген Ж.Шайыбов усталагъа оьзлерден сонг да варислик къоймагъа герекни агьамиятлыгъы барны эсгерди.
– Бугюн биз оьсюп гелеген яш наслу бизин халкъны мердешлерин ва инчесаниятын унутмай, наслудан-наслугъа берсин учун къасткъылмагъа герекбиз, – деди Ж.Шайыбов. – Сиз пагьмугъузну генглешдирмеге, ону инче сырларын оьзгелеге де уьйретмеге герексиз. Бугюн сизге шолай имканлыкълар бар. Бизин яныбыздан сиз гьаман да англав ва кёмек табажакъсыз.
– Усталыкъ – Дагъыстанны бары да халкъларыны аслу белгиси. Оьзлени усталыгъы булан дагъыстанлылар гьар заманда да белгили бола гелген. Гьар юртда, гьар тухумда оьзлени усталары болгъан. Озокъда, заманлар алышынгъан. Кёбюсю яшёрюмлени ойлары ва умутлары этик уста, агъач уста яда буса тастар согъув булан байлавлу тюгюл. Амма шо – бизин ата-бабаларыбызны варислиги ва биз шону сакъламагъа, оьсдюрмеге борчлубуз, – деп къошду мени булангъы лакъырында районну маданият управлениесини ёлбашчысы Рукия Абукъаева да.
Выставкагъа онгарылгъан кюйню ва ону гьасиллерин чыгъара туруп буса, Бабаюртдагъы инчесаният школаны завучу Айна Отевова оьзюню шатлыгъын яшырмады.
– Сен оьзюнг де шагьат болгъан кюйде, выставка оьр даражада оьтдю, – деди Айна Отевова. – Выставка янгыз юртну маданият къуллукъчуларын тюгюл, медицина, билим берив тармакъларда чалышагъанланы, олай да савлай юртну халкъыны тергевюн тартагъаны бизин сююндюрдю. Выставканы къургъанлар ва Адил Янгыюртну башы Мурат Къочкъаровну шо ишде аслу къошуму болгъаны яхшы эсленди. Ери гелгенде мен олагъа барына да теренден разилигимни билдирмеге сюемен.Оланы къастлыгъы булан бугюн Адил Янгыюртда мердешленген инчесаниятны байрамы оьтгерилди.
– Гьар юрт оьзюню инчесанияты, маданияты булан таныла. Бизге шо саниятланы юрютегенлеге шартлар яратмагъа, онгайлыкълар болдурмагъа тюше, – дей юрт советни ёлбашчысы Мурат Къочкъаров. – Этилеген гиччинев тергев уллу гьасиллеге гелтирмеге бола. Энниден сонг да инчесаният ва маданият къуллукъчулар юртда оьссюн учун биз шартлар яратмагъа къаст этежекбиз.
Макъамсыз, йырсыз-сарынсыз не байрам болмагъа бола? Шо гюн выставканы ортакъчылары ва къаравчулары учун Адил Янгыюртдагъы маданият уьйню къуллукъчулары оьзлени йыргъа пагьмусу барлыгъын да оьзлер гёрсетген концертде ачыкъдан исбатладылар. Сагьнагъа янгы чыгъып гелеген Элмира ва Мадина Исламоваланы, Жамиля Магьмутованы, районда оьзюню англы тавушу булан танывлу К. Элбузаровну гьар чыгъывун къаравчулар харс урувлар булан къаршыладылар.
Булай байрамланы юртда дагъы да оьтгермеге гёз алгъа тутулгъан.
– Бугюнгю выставканы оьтгерилмеклигини аслу борчу – арагъа пагьмулу усталаны чыгъармакъ, – дей мени булангъы лакъырында Бабаюртдагъы инчесаният школаны завучу Айна Отевова. – Шолай усталар районну къайсы юртунда да бар. Амма олар ва оланы пагьмулары яшыртгъын турагъан йимик гёрюне. Выставкалар оьтгере туруп буса, биз оланы халкъгъа белгили этмеге, пагьмусу барланы алдында янгы ёллар ачмагъа имканлыкълар яратабыз.
Тюзюн айтмагъа герек, гертилей де, кёплер эшитме де эшитмеген усталаны къоллары булан яратылгъан уьйлюкде къолланагъан алатланы, савгъатланы, тастарланы, не башынгны авуртайым, кимни де гёзюн къаратардай гёзелликлени бизин арабызда яшап турагъанлар этгенге инамсызлыкъ да этер йимик эди. Адилянгыюртлу Ш.Пашаев яратгъан агъач алатланы гёзеллигине сукъланмай болмайсан. Пачаны тажындан башлап, стол гюзгюлер, агъачкъомузгъа етишгенче оьзюню къоллары булан этген алатлагъа къарап, устаны пагьмусуна мюкюр болмай болмайсан.
Бугюн унутула барагъан тастар согъувну усталары бабаюртлу Павзия Алиева, туршунайлы Зульфия Абакарова ва янгыкаралы Умижат Ражабова оьзлени гьюнерин къаравчулагъа мастер-клас гьисапда гёрсетдилер. Люксембурглу Дина Шихсайитова минчакълардан этген гюллени гёзеллигине, кагъыздан этилген къувланы гьайранлыгъына къаравчулар хошландылар.
Ери гелгенде айтмагъа ярай, Бабаюртда Россияны мердешленген маданият центрыны ачылмакълыгъы булан выставкада ортакъчылыкъ этген усталагъа оьзлени пагьмусун оьсюп гелеген яш наслугъа да уьйретмеге имканлыкълар яратылгъан. Шо гьакъда айта туруп, выставкада къаравчу гьисапда да, район администрацияны ёлбашчысы гьисапда да ортакъчылыкъ этеген Ж.Шайыбов усталагъа оьзлерден сонг да варислик къоймагъа герекни агьамиятлыгъы барны эсгерди.
– Бугюн биз оьсюп гелеген яш наслу бизин халкъны мердешлерин ва инчесаниятын унутмай, наслудан-наслугъа берсин учун къасткъылмагъа герекбиз, – деди Ж.Шайыбов. – Сиз пагьмугъузну генглешдирмеге, ону инче сырларын оьзгелеге де уьйретмеге герексиз. Бугюн сизге шолай имканлыкълар бар. Бизин яныбыздан сиз гьаман да англав ва кёмек табажакъсыз.
– Усталыкъ – Дагъыстанны бары да халкъларыны аслу белгиси. Оьзлени усталыгъы булан дагъыстанлылар гьар заманда да белгили бола гелген. Гьар юртда, гьар тухумда оьзлени усталары болгъан. Озокъда, заманлар алышынгъан. Кёбюсю яшёрюмлени ойлары ва умутлары этик уста, агъач уста яда буса тастар согъув булан байлавлу тюгюл. Амма шо – бизин ата-бабаларыбызны варислиги ва биз шону сакъламагъа, оьсдюрмеге борчлубуз, – деп къошду мени булангъы лакъырында районну маданият управлениесини ёлбашчысы Рукия Абукъаева да.
Выставкагъа онгарылгъан кюйню ва ону гьасиллерин чыгъара туруп буса, Бабаюртдагъы инчесаният школаны завучу Айна Отевова оьзюню шатлыгъын яшырмады.
– Сен оьзюнг де шагьат болгъан кюйде, выставка оьр даражада оьтдю, – деди Айна Отевова. – Выставка янгыз юртну маданият къуллукъчуларын тюгюл, медицина, билим берив тармакъларда чалышагъанланы, олай да савлай юртну халкъыны тергевюн тартагъаны бизин сююндюрдю. Выставканы къургъанлар ва Адил Янгыюртну башы Мурат Къочкъаровну шо ишде аслу къошуму болгъаны яхшы эсленди. Ери гелгенде мен олагъа барына да теренден разилигимни билдирмеге сюемен.Оланы къастлыгъы булан бугюн Адил Янгыюртда мердешленген инчесаниятны байрамы оьтгерилди.
– Гьар юрт оьзюню инчесанияты, маданияты булан таныла. Бизге шо саниятланы юрютегенлеге шартлар яратмагъа, онгайлыкълар болдурмагъа тюше, – дей юрт советни ёлбашчысы Мурат Къочкъаров. – Этилеген гиччинев тергев уллу гьасиллеге гелтирмеге бола. Энниден сонг да инчесаният ва маданият къуллукъчулар юртда оьссюн учун биз шартлар яратмагъа къаст этежекбиз.
Макъамсыз, йырсыз-сарынсыз не байрам болмагъа бола? Шо гюн выставканы ортакъчылары ва къаравчулары учун Адил Янгыюртдагъы маданият уьйню къуллукъчулары оьзлени йыргъа пагьмусу барлыгъын да оьзлер гёрсетген концертде ачыкъдан исбатладылар. Сагьнагъа янгы чыгъып гелеген Элмира ва Мадина Исламоваланы, Жамиля Магьмутованы, районда оьзюню англы тавушу булан танывлу К. Элбузаровну гьар чыгъывун къаравчулар харс урувлар булан къаршыладылар.
Булай байрамланы юртда дагъы да оьтгермеге гёз алгъа тутулгъан.
Герейхан Гьажиев,
хас мухбирибиз.