Европаны лигасына «Анжи» Норвегияны «Тромсе» командасы булан ойнады. Гьажи Гьажиев бу оюнгъа команданы чинк де гючлю составын салмай, бир нече аслу футболистге ял алмагъа ихтияр берди. Тюзю, «Тромсе» де салмагъан эди лап гючлю составын. Нечик болса да, «Анжи» биринчи таймны башындан ахыры болгъунча оюнну югенлерин оьзюню къолундан чыгъармайлы, «Тромсени» къапусуна чапгъынны артындан чапгъын этип турду. «Анжини» танапусдан сонггъу чапгъынлары буса бираз сийрек болса да, бизин команда норвегиялылардан хыйлы гючлю команда экенни экинчи таймда да гёрсетди. Гьасили, чапгъынлар болду, дёрт-беш къоркъунчлу мюгьлет къолдан чыкъды, оюнну токъсан минут заманы битди. Судья оюнгъа уьч минут къошду.., о уьч минут да гетди, судья «Анжини» ахырынчы чапгъынын, футбол положениеге гёре, ахырына етгинче давам этме къойду. Шо ахырынчы чапгъынны натижасында бизин Карлен Мкртчян «Тромсени» къапусуна гол гийирди. Анжи утду – 0–1! Анжини шу утуву бизин Евролиганы групповой этапындан оьтме имканлыкъ берди деп айтма ярай. Къалгъан дагъы да эки оюнну бирисин ничья этип къойсакъ да, бизин артыбыздан не «Тромсе», не «Шериф» етип болмай.
Евролигада ишлерибиз яман тюгюл буса да, Россияны чемпионатында оьтесиз къолайсыз. Ахырынчы оюнну Анжи Пермь шагьарда «Амкар» булан ойнап,сав оюнну узагъында олардан, башгъа, айтардай къалышмай, оюн битме алты минут къалгъанда, эки де орта якълавчуну ва къапучуну гюнагьындан «Амкардан» бир гол алды. Гьали бизин команда мекенли он алтынчы ерде ерлешген. Премьер-лигада къалмакъ учун кёп гьаракат тарыкъ. Тюзю, къаравчуланы арасында шу масъаланы «Анжи» кютюп болар дейгенлер де бар, тек кёбюсю инанмай.
Клуб беш-алты янгы футболист булан сёйлешивлер юрютегенин мен де билемен, язбашдан тутуп команда очколар алса, премьер-лигада къалма нечакъы да имканлыкъ бар.
Евролигада ишлерибиз яман тюгюл буса да, Россияны чемпионатында оьтесиз къолайсыз. Ахырынчы оюнну Анжи Пермь шагьарда «Амкар» булан ойнап,сав оюнну узагъында олардан, башгъа, айтардай къалышмай, оюн битме алты минут къалгъанда, эки де орта якълавчуну ва къапучуну гюнагьындан «Амкардан» бир гол алды. Гьали бизин команда мекенли он алтынчы ерде ерлешген. Премьер-лигада къалмакъ учун кёп гьаракат тарыкъ. Тюзю, къаравчуланы арасында шу масъаланы «Анжи» кютюп болар дейгенлер де бар, тек кёбюсю инанмай.
Клуб беш-алты янгы футболист булан сёйлешивлер юрютегенин мен де билемен, язбашдан тутуп команда очколар алса, премьер-лигада къалма нечакъы да имканлыкъ бар.
