Артдагъы гюнлерде Адил Янгыюртдагъы орта школада районну яш муаллимлери учун «Ачыкъ эшиклени гюню» оьтгерилмекни аслу себеби де яш муаллимлени янгы билим берив къайдалагъа тюшюндюрмек, олар булан сынав алышдырмакъ ва билим беривде Интернет технологияланы къоллавну янгы къайдаларын гёрсетмек болуп токътагъан эди.
Алданокъ айтмагъа ярай, шо чара районну муаллимлерини тергевюн тартды. Адил Янгыюртдагъы орта школагъа районну юртларындан 50-ден де артыкъ яш муаллимлер гелдилер. Агьвалат оьзю де оьр даражада оьтдю.
Эртенден башлап къонакъланы школаны охувчу яшлары гюл байламлар булан къаршыладылар. Согъулагъан «Школьный вальс» деген макъам буса агьвалатгъа байрам гьис берди.
Яш муаллимлени оьзлени насигьатчылары булан таныш этген сонг, олар ачыкъ дарслар болажакъ класлагъа гирдилер. Шо гюн олар учун школаны сынавлу муаллимлери он беш ачыкъ дарс этдилер ва эки класдан тышдагъы эки ишни де оьтгердилер.
– Ачыкъ дарсланы гьасиллерин чыгъара туруп, яш касбучулар дарс беривде къолланагъан гёрсетив пособиелени ва ишни тюрлю къалиплерин къоллавну пайдалыгъына тюшюндюлер, – дей Адил Янгыюрт орта школаны директоруну билим беривге къарайгъан орунбасары С.Атаева. – Яшырмагъа негер тарыкъ, «Ачыкъ эшиклени гюнюне» савлай школа гьазирленген эди. Школаны ичинде яшланы суратларыны выставкасы (сурат этив дарсны муаллими Къ.Абуева), яшланы яратывчулукъ выставкасы (технологияны муаллими Л.Чихрадзе) гьазирленген эди. Къонакълар шо ишлеге де яхшы багьа бердилер.
Ери гелгенде айтмагъа ярай, музыка дарсны муаллими Г.Дудуева онгаргъан гиччирек концерт программа ва 8-нчи класны ёлбашчысы П.Сатиева класы булан гёрсетген «Къумукъланы адатлары» деген гиччирек спектакль де къаравчуланы яхшы тергевюн тартды. Шо спектакль пайдалы ва агьамиятлы гюнню давамы болуп да токътады.
«Ачыкъ эшиклени гюнюню» гьасиллерин чыгъара туруп, Бабаюрт районну управлениесини методика центрыны методисти Юлдуз Ягьяева школаны муаллимлерини атына исси сёзлени къызгъанмады.
– Биз бугюн Адил Янгыюрт школада билим берив оьр даражада экенге бирдагъы да мюкюр болдукъ, – деди Ю.Ягьяева. – Бугюнгю чараны оьр даражада оьтгерилмеклиги – инг башлап школаны муаллим коллективини гьар гюнлюк ишини натижасы. Озокъда, дагъы да этмеге герек ишлер ёкъ тюгюл. Билим берив гьаман да заман булан бирге абат алмагъа герек. Шондан бизин яшлар не йимик билимлеге ес болажагъы гьасилдир. Артда да мен бугюнгю агьвалатны гьазирлегенлеге теренден разилигимни билдиремен.
Озокъда, шолай чараланы гьар гюн оьтгермеге бажарылмайгъаны англашыла. Гьар гюн буса муаллимлер охувчулары булан бетге-бет къала, гьар гюн олагъа билим бермекни гьайын эте. Амма шо чара яш муаллимлени оьзлер сайлагъан касбусуна амин болуп, яшлар учун, оланы гележеги учун ишлеп, оланы мугькам билимлеге ес этмек учун пайдалы болажакъгъа шеклик ёкъ.
Герейхан Гьажиев,
хас мухбирибиз.
Суратда: спектаклден гёрюнюш.
Алданокъ айтмагъа ярай, шо чара районну муаллимлерини тергевюн тартды. Адил Янгыюртдагъы орта школагъа районну юртларындан 50-ден де артыкъ яш муаллимлер гелдилер. Агьвалат оьзю де оьр даражада оьтдю.
Эртенден башлап къонакъланы школаны охувчу яшлары гюл байламлар булан къаршыладылар. Согъулагъан «Школьный вальс» деген макъам буса агьвалатгъа байрам гьис берди.
Яш муаллимлени оьзлени насигьатчылары булан таныш этген сонг, олар ачыкъ дарслар болажакъ класлагъа гирдилер. Шо гюн олар учун школаны сынавлу муаллимлери он беш ачыкъ дарс этдилер ва эки класдан тышдагъы эки ишни де оьтгердилер.
– Ачыкъ дарсланы гьасиллерин чыгъара туруп, яш касбучулар дарс беривде къолланагъан гёрсетив пособиелени ва ишни тюрлю къалиплерин къоллавну пайдалыгъына тюшюндюлер, – дей Адил Янгыюрт орта школаны директоруну билим беривге къарайгъан орунбасары С.Атаева. – Яшырмагъа негер тарыкъ, «Ачыкъ эшиклени гюнюне» савлай школа гьазирленген эди. Школаны ичинде яшланы суратларыны выставкасы (сурат этив дарсны муаллими Къ.Абуева), яшланы яратывчулукъ выставкасы (технологияны муаллими Л.Чихрадзе) гьазирленген эди. Къонакълар шо ишлеге де яхшы багьа бердилер.
Ери гелгенде айтмагъа ярай, музыка дарсны муаллими Г.Дудуева онгаргъан гиччирек концерт программа ва 8-нчи класны ёлбашчысы П.Сатиева класы булан гёрсетген «Къумукъланы адатлары» деген гиччирек спектакль де къаравчуланы яхшы тергевюн тартды. Шо спектакль пайдалы ва агьамиятлы гюнню давамы болуп да токътады.
«Ачыкъ эшиклени гюнюню» гьасиллерин чыгъара туруп, Бабаюрт районну управлениесини методика центрыны методисти Юлдуз Ягьяева школаны муаллимлерини атына исси сёзлени къызгъанмады.
– Биз бугюн Адил Янгыюрт школада билим берив оьр даражада экенге бирдагъы да мюкюр болдукъ, – деди Ю.Ягьяева. – Бугюнгю чараны оьр даражада оьтгерилмеклиги – инг башлап школаны муаллим коллективини гьар гюнлюк ишини натижасы. Озокъда, дагъы да этмеге герек ишлер ёкъ тюгюл. Билим берив гьаман да заман булан бирге абат алмагъа герек. Шондан бизин яшлар не йимик билимлеге ес болажагъы гьасилдир. Артда да мен бугюнгю агьвалатны гьазирлегенлеге теренден разилигимни билдиремен.
Озокъда, шолай чараланы гьар гюн оьтгермеге бажарылмайгъаны англашыла. Гьар гюн буса муаллимлер охувчулары булан бетге-бет къала, гьар гюн олагъа билим бермекни гьайын эте. Амма шо чара яш муаллимлени оьзлер сайлагъан касбусуна амин болуп, яшлар учун, оланы гележеги учун ишлеп, оланы мугькам билимлеге ес этмек учун пайдалы болажакъгъа шеклик ёкъ.
Герейхан Гьажиев,
хас мухбирибиз.
Суратда: спектаклден гёрюнюш.
