Донецк ва Луганск Халкъ Республикаланы якълагъаны учун Россияны Президенти Владимир Путинни гьаракатын арив гёремен.

Россия учун алдагъы совет республикаланы халкъларыны бир-бири булангъы аралыкъларын яхшылашдырмакъ – бек агьамиятлы къуллукъ. Гюнбатышны гьаракатыны тюбюнде бизин адамлар бир заманда да дослукъда, татывлукъда яшамажакъ. Америкалы «яманлыкъны» оьзлеге гирме къой­гъаны саялы, бугюн Украинада гюнагьсыз адамлар къыйынлыкълар гёре. Донбасдагъы гьал башгъа. Халкъны алдагъы яшавуна къайтмакъ учун имканлыкълар бар. Олар давсузлукъда  оьзлени уьйлеринде яшама тарыкъ. Шону учун да ДНР-ни ва ЛНР-ни харлысызлыгъын къабул этмек – биринчи абат.

Донбасны территориясына дав савут булан гиргенлени ахыры онглу болмас! Мен де Донбасда болгъанман. Онда давну сюймейген ишчи халкъ яшай. Олар учун низам тарыкъ. Гюнбатышны елевчю талапларына, территорияланы елемек учун юрютеген къыр жанлагъа хас юрюшлерине халкъ гюнагьлы тюгюл. «Единая Россияны» пикрусу ачыкъ этилген: оьзюбюзнюкилени ташламайбыз! Россияны Президенти – давсузлукъ адамлар учун нечик тарыкълы экенин кёп керенлер гёрсетген.