Жыйынны Дагъыстанны экономика ва бютюнлей оьсювюню масъалаларына къарай­гъан министри Раюдин Юсупов ачды ва юрютдю. Гюнлюк низамгъа салынгъан Дагъыстанны оьсювюн гьисапгъа алып къурулгъан «Оьсювню ёлларын белгилев», «Асувлу пачалыкъ ишлени юрютюв» ва шолай да «Территорияланы оьсдюрювню асувлу кюйде юрютюв» деген агьамиятлы проектлерини талапларыны яшавгъа чыгъарылывуна байлавлу болуп генг кюйде гьакълашыв болду.
Гьакълашывну натижаларын чыгъара туруп, министр Раюдин Юсупов жыйынны ортакъчыларына республикабызны бары да министерликлерине бирликде-байлавлукъда ишлемеге ва натижаланы гёзден гечирмеге тюшегени гьакъда эсгерди. Неге тюгюл, шолай бизин республикабыз учун лап да агьамиятлы программаланы яшавгъа чыгъарыв учун айырылагъан харжланы пайдаландырывда ачыкълыкъ ёкъ. Муна шо саялы да, харжлар толу асувлу кюйде пайдаландырылмай яда буса башгъа гёз алгъа тутулмагъан чараланы оьтгерив учун харжлана.
Бизин республикабызны халкъы учун лап да тарыкълы проектлени яшавгъа чыгъарылывуну болжаллары йырыла ва ватандашланы янындан разисизлик­лени артдыра. Шону гьисапгъа алып, бары да министерликлеге оьз сайтларына эсгерилген проектлени яшавгъа чыгъарылывуна байлавлу маълуматланы салып, «Экономиканы ачыкълыгъы учун» деген гьаракатгъа къуршалма чакъырды.
Раюдин Юсупов оьзюню сёйлевюню ахырында жыйында ортакъчылыкъ этген бары да министерликлени ва къурумланы вакиллерине агьамиятлы программаланы яшавгъа чы­гъарылывуна байлавлу болуп гьар арбагюн гьисап бермеге таклиф этди. Неге тюгюл, белгиленген проектлени-программаланы яшавгъа чыгъарылывуну баянын гёрсетмек учун гьар жумада ДР-ни Гьукуматына гьисап бермеге герек.


Къ. Къараев.