Бугюнлерде Украина бойда асгер гьаракатда ортакъчылыкъ этеген бабаюртлу 43 йыллыкъ Батыр Къанболатов «Къоччакълыгъы учун» деген 2-нчи даражалы медаль булан савгъатлангъан.

 

Оьтген йылны сентябр айында, Батыр къолуна гелген повестканы алгъан гюн, район военкоматына барып Ватанны алдындагъы оьзюню борчун кютме гьазир экенни билдирген. Ондан алда ол «Сельхозводстрой» къурумунда машин гьайдавчу болуп ишлеген. Уьлгюлю агьлюню башы, 2 авлетни атасы… Амма, Ватангъа къоркъунчлукъ тувгъанда, бары затны да къоюп, Батыр къолуна савут алма токъташгъан.

Башлап ол Каспийск шагьарда ерлешген асгер бёлюкде уьйрене. Сонг буса хас асгер гьаракат юрюлеген ерге йибериле ва Запорожье якъда оьзюню дав ёлдашлары булан  командование алдына салгъан дав тапшурувларын оьр даражада кютелер.

Ол уьстюнлюкню алып гележегине инана. Шолай болажакъгъа шеклик де ёкъ.

 

Герейхан ГЬАЖИЕВ,

оьз мухбирибиз.