Ялагъайчыгъа–яз яхшы, ялгъанчыгъа–ят яхшы.

Янгыз сёзден сёз болмас, янгыз къазыкъ къош болмас.

Яман учун айтаман деп, сырын айта эди.

Къышынг туман болсун, аврувунг тумав болсун.

Эт — этге, шорпа — бетге.

Ити булангъы  къонакъ орамгъа сыймас.

Къазаны сувумагъанны  къапулары ябулмас.

Къонакъны къурсагъы тойса, гёзю ёлгъа къарар.

Къонакъ бусанг, къолгъа тюш, ёлавчу бусанг– ёлгъа тюш.

Къонакъ бусанг, тилингни жый.

Къонакъ гелсе, эт бишер, эт бишмесе, бет бишер.

Къонакъ тойса, эшикге къарар.

Къутлу къонакъ гелсе, къой эгизлер табар, къутсуз­ къонакъ гелсе, къой сиривге бёрю чабар.

Сёзюнг сав болса, башынг тав болур.

Сёз сёзню чыгъарар, юмурукъ гёзюн чыгъарар.

Терен оьзен тавушсуз агъар.

Тил таш ярар, таш ярмаса, баш ярар.

Тилде сюек ёкъ.

Тилим, сагъа разимен − тилимни къаласысан,тилим, сагъа рази тюгюлмен − башымны балагьысан.

Тувра айтгъан къутулар, ялгъан айтгъан тутулар.

Эл хазнасы–эки сёз.

Атым ёкъ аранда, къайгъым ёкъ боранда.

Терек орнатмай тал болмас, борчлуну малы болмас.

Эрге девлет ян тартса, баш душманы дос болу­р, эрге девлет арт берсе, дослары да ят болур.

Яман авулну агъасы болма, ярлы авулну бийи болма.

Савуту барны аты гьазир.

Алаша арышда оьлер, аргъумакъ ярышда оьлер.

Ат аясанг − алты айлыкъ, аямасанг – бир гюнлюк.

Ат авнагъан ерде тюк къалар.

Ат аривю − башдан, къыз аривю – къашдан.

Аргъумакъ макътав сюер, алаша сыйпав сюер.

Балыкъчыны аты сувгъа ярамас.

Савгъат этген атны тюсюне къарамас.

Атасына яхшылыкъ этмегенден яхшылыкъны гёзлеме.

Къазанны къарасы югъар,яманны балагьы югъар.

Къулдан тувгъан къул болмас, яманда­н тувгъан къул болур.

Тоймагъанны тонун гийсенг, тойда бетингни къара этир.

Яман арба ёл бузар, яман адам уьй бузар.

Яманны − сёзю аччы, эсги тонну бити − аччы.

Ел болмаса, сувукъ ёкъ, мал болмаса, ювукъ ёкъ.

Улан-атасына эсделик.

Бёрюню къуйругъун гессе де, ит болмас.

Айран алма гелген сонг сукарангны яшырма.

Бир оьгюзю бар бир сёйлер, эки оьгюзю бар эки сёйлер.

Яман адам яхшы сёз айтмас.

Язда тырнагъан гюзде йырлар.

Тавдан акъгъан акъ булакъ сувун къуяр денгизг­е, нече малы болса да, бай сююнер эгизге.

Алим − иши булан, темтек − тили булан.

Бир тамчы билим учун, минг тамчы тер чыгъар.

Сюювсюз ожакъ − тамурсуз терек.

Къынгыр тюнгюлюкден де тютюн тюз чыгъа.

Тувгъан еринг − женнет,суву − шербет.

Ат айланып, къазыгъын табар, эр айланып, элин табар.

Тувгъан ерде эр юрюр,тойгъан ерде ит юрюр.

Агъачны къыйшыгъын балта тюз этер, адамн­ы къыйшыгъын халкъ тюз этер.

Досу ёкъну − эси ёкъ.

Доссуз яшав − тузсуз ашав.

 

Гьазирлеген Паху ГЬАЙБУЛЛАЕВА.