Демек, оьзюмню макъаламда шо тухумну гёрмекли вакили, оьзюню иши булан нечесе адамланы ажжалны къучагъындан алмагъа болгъан врач, Бабаюртдагъы район больницада югъагъан аврувланы багъагъан бёлюгюню ёлбашчысы болуп хыйлы йыллар ишлеген Ханум Алимханованы гьакъында язмагъа сюемен. Эгер ону уллатасы Рашитхан Алимханов ватанын фашизмни балагьындан къутгъармакъ учун ябушгъан буса, ону уланыны къызы Ханум бугюн халкъны аврувну заралындан къутгъармакъ учун чалыша.
Мен Ханум Алимханованы таныйгъаным аз заман болмай. Аврув себеп болуп да, иш булан байлавлу болуп да, ону уьстюне бармагъа магъа аз тюшмеген. Амма ол къачан ва не къуллукъ булан барсам да, илиякълы иржайып къабул этегенлиги ону хасиятыны асиллигин исбатлай. Чинкдеси, ол янгыз мени тюгюл, аврув инжитип гелгенлени де гьарисин оьзюню иржайыву булан къаршылай ва узата. Ол больницада ишлейген 20 йылны боюнда онлар, юзлер булан аврувлагъа оьзюн шолай танытгъан.
Ханум Алимханова, мен оьрде де эсгерген кюйде, Бабаюрт районну Хамаматюртунда Инив ва Умухан Алимхановланы агьлюсюнде тувгъан.
Инив Алимханов оьзю де республикагъа белгили гьайван доктор эди. Ол узакъ йылланы боюнда Бабаюрт районну ветеринар управлениесини ёлбашчысы болуп ишлеген. ДАССР-ни ат къазангъан гьайван доктору, Россияны ат къазангъан гьайван доктору деген оьр атлагъа ес болгъан.
Ханумну анасы Умухан Алимханова буса 25 йылланы боюнда Хамаматюртдагъы участка больницада акушер къуллукъну кютген. Бугюнлерде ол пенсияда, авлетлерини авлетлеринден сююнюп, оланы тарбиялав булан машгъул.
Озокъда, Ханум Алимханованы гележек касбусуна ата-анасыны таъсири болгъангъа шеклик ёкъ. Ханум Алимханова оьзю де мюкюр болгъан кюйде, ол гиччиден тутуп доктор болуп, адамланы савлугъуну гьайын этмеге гьасирет болгъан. 1982-нчи йылда Хамаматюртдагъы 1 номерли орта школаны битдирген сонг да, ол кёп ойлашмай, Дагъыстан пачалыкъ медицина академияны гьазирлик гёрюв бёлюгюне охумагъа тюше. Сонгунда ол эсгерилген оьр охув ожакъны педиатр факультетинде охувун узата.
Оьр билимлеге ес болмагъа гьасиретлик, халкъгъа гьалал къуллукъ этмеге сюегенлик Ханумгъа терен билимлер алмагъа гюч бере. Охуйгъан йылларында ону дарс беривчюлери де яхшы яндан таный. Ондан гележекде яхшы врач болажакъны гёреген дарс беривчюлер Ханумгъа кёмек этмеге къаст этелер.
Яхшы къыйматлар булан оьр билим алып, Ханум Къызлар шагьардагъы интернатурада педиатриядан касбусун камиллешдире. Мугькам билимлеге ес болгъан Ханум 1993-нчю йылда оьз районуна къайта ва шо йылдан тутуп, район больницада ишлемеге башлай.
Яшлар табагъан бёлюкде, участка педиатр, врач-инфекционист болуп, Ханум Алимханова районлулагъа гьалал къуллукъ эте. Оьз ишин сюегенлик, билегенлик ону алдына янгы-янгы ёлланы, янгы оьрлюклени ача. Ханумну яхшы яндан таныгъан больницаны башын тутгъанлар 2001-нчи йылда ону югъагъан аврувлар багъагъан бёлюкню ёлбашчысы, 2009-нчу йылдан 2013-нчю йылгъа ерли буса ол район больницаны баш врачыны орунбасары болуп чалыша.
Гетген йылны ахырында Ханум Алимханова учун бирдагъы бир шатлы агьвалат болду. Айтагъаным, янгы йылны алдында Ханум Алимханованы Бабаюртда ачылгъан «Здоровье» деген савлукъ сакълав центрны баш врачы этип белгиледи.
Ханум Алимханова къайда ишлесе де, не къуллукъну башын тутса да, врачланы баш антына амин болуп ишлемеге къаст эте. Ол бир нече керенлер район администрацияны ва район больницаны гьюрметлев грамоталары булан савгъатлангъан.
– Мен оьзюм сайлагъан ёлгъа разимен, – дей Ханум Алимханова. – Адамланы аврувун бакъмакъдан, сав этмекден, олардан разилик алмакъдан артыкъ адамгъа дагъы не сююнч бола? Озокъда, мен бары да борчларымны бек яхшы билемен деп айтып макътанмайман. Ишде не четимликлер де чыгъа. Амма гьар гезик аврувдан уьстюн гелген адамны гёрген сайын, шо четимликлер гёзге гёрюнмей къала.
Татывлу агьлюде Ханум Алимханова агьлюсю Уллубий Шайибов булан эки яшны тарбиялагъан. Къызы Жамиля халкъ хозяйство институтну бухгалтерлер гьазирлейген бёлюгюнде охуй, уланы Набиюлла буса аграр университетни экономика факультетин тамамлай.
– Мен бир затгъа гьёкюнемен, – дей Ханум Алимханова. – Авлетлерим мени гьызыма тюшюп, врач касбуну сайламадылар. Тек умут оьлмей. Къызымны къызы Арапат оьсюп, ол сама да врач болар деп умут этемен.
Гюнлер гюнлеге байланып, айлар, йыллар гете. Амма Ханум Алимханова буса больницагъа къачан барсанг да, уьстюнде акъ халаты да булан аврувланы гьайында бола. Ону эмли къоллары, оьз касбусун теренден билегенлик гележекде де нечесе адамланы оьлюмден къутгъаражакъгъа шеклик ёкъ.
Артда да Ханум Алимхановагъа янгы къуллукъда янгы уьстюнлюклер ва арты битмейген насип, савлукъ ёрамагъа сюемен.
Герейхан Гьажиев,
хас мухбирибиз.
Суратда: Ханум Алимханова.
Мен Ханум Алимханованы таныйгъаным аз заман болмай. Аврув себеп болуп да, иш булан байлавлу болуп да, ону уьстюне бармагъа магъа аз тюшмеген. Амма ол къачан ва не къуллукъ булан барсам да, илиякълы иржайып къабул этегенлиги ону хасиятыны асиллигин исбатлай. Чинкдеси, ол янгыз мени тюгюл, аврув инжитип гелгенлени де гьарисин оьзюню иржайыву булан къаршылай ва узата. Ол больницада ишлейген 20 йылны боюнда онлар, юзлер булан аврувлагъа оьзюн шолай танытгъан.
Ханум Алимханова, мен оьрде де эсгерген кюйде, Бабаюрт районну Хамаматюртунда Инив ва Умухан Алимхановланы агьлюсюнде тувгъан.
Инив Алимханов оьзю де республикагъа белгили гьайван доктор эди. Ол узакъ йылланы боюнда Бабаюрт районну ветеринар управлениесини ёлбашчысы болуп ишлеген. ДАССР-ни ат къазангъан гьайван доктору, Россияны ат къазангъан гьайван доктору деген оьр атлагъа ес болгъан.
Ханумну анасы Умухан Алимханова буса 25 йылланы боюнда Хамаматюртдагъы участка больницада акушер къуллукъну кютген. Бугюнлерде ол пенсияда, авлетлерини авлетлеринден сююнюп, оланы тарбиялав булан машгъул.
Озокъда, Ханум Алимханованы гележек касбусуна ата-анасыны таъсири болгъангъа шеклик ёкъ. Ханум Алимханова оьзю де мюкюр болгъан кюйде, ол гиччиден тутуп доктор болуп, адамланы савлугъуну гьайын этмеге гьасирет болгъан. 1982-нчи йылда Хамаматюртдагъы 1 номерли орта школаны битдирген сонг да, ол кёп ойлашмай, Дагъыстан пачалыкъ медицина академияны гьазирлик гёрюв бёлюгюне охумагъа тюше. Сонгунда ол эсгерилген оьр охув ожакъны педиатр факультетинде охувун узата.
Оьр билимлеге ес болмагъа гьасиретлик, халкъгъа гьалал къуллукъ этмеге сюегенлик Ханумгъа терен билимлер алмагъа гюч бере. Охуйгъан йылларында ону дарс беривчюлери де яхшы яндан таный. Ондан гележекде яхшы врач болажакъны гёреген дарс беривчюлер Ханумгъа кёмек этмеге къаст этелер.
Яхшы къыйматлар булан оьр билим алып, Ханум Къызлар шагьардагъы интернатурада педиатриядан касбусун камиллешдире. Мугькам билимлеге ес болгъан Ханум 1993-нчю йылда оьз районуна къайта ва шо йылдан тутуп, район больницада ишлемеге башлай.
Яшлар табагъан бёлюкде, участка педиатр, врач-инфекционист болуп, Ханум Алимханова районлулагъа гьалал къуллукъ эте. Оьз ишин сюегенлик, билегенлик ону алдына янгы-янгы ёлланы, янгы оьрлюклени ача. Ханумну яхшы яндан таныгъан больницаны башын тутгъанлар 2001-нчи йылда ону югъагъан аврувлар багъагъан бёлюкню ёлбашчысы, 2009-нчу йылдан 2013-нчю йылгъа ерли буса ол район больницаны баш врачыны орунбасары болуп чалыша.
Гетген йылны ахырында Ханум Алимханова учун бирдагъы бир шатлы агьвалат болду. Айтагъаным, янгы йылны алдында Ханум Алимханованы Бабаюртда ачылгъан «Здоровье» деген савлукъ сакълав центрны баш врачы этип белгиледи.
Ханум Алимханова къайда ишлесе де, не къуллукъну башын тутса да, врачланы баш антына амин болуп ишлемеге къаст эте. Ол бир нече керенлер район администрацияны ва район больницаны гьюрметлев грамоталары булан савгъатлангъан.
– Мен оьзюм сайлагъан ёлгъа разимен, – дей Ханум Алимханова. – Адамланы аврувун бакъмакъдан, сав этмекден, олардан разилик алмакъдан артыкъ адамгъа дагъы не сююнч бола? Озокъда, мен бары да борчларымны бек яхшы билемен деп айтып макътанмайман. Ишде не четимликлер де чыгъа. Амма гьар гезик аврувдан уьстюн гелген адамны гёрген сайын, шо четимликлер гёзге гёрюнмей къала.
Татывлу агьлюде Ханум Алимханова агьлюсю Уллубий Шайибов булан эки яшны тарбиялагъан. Къызы Жамиля халкъ хозяйство институтну бухгалтерлер гьазирлейген бёлюгюнде охуй, уланы Набиюлла буса аграр университетни экономика факультетин тамамлай.
– Мен бир затгъа гьёкюнемен, – дей Ханум Алимханова. – Авлетлерим мени гьызыма тюшюп, врач касбуну сайламадылар. Тек умут оьлмей. Къызымны къызы Арапат оьсюп, ол сама да врач болар деп умут этемен.
Гюнлер гюнлеге байланып, айлар, йыллар гете. Амма Ханум Алимханова буса больницагъа къачан барсанг да, уьстюнде акъ халаты да булан аврувланы гьайында бола. Ону эмли къоллары, оьз касбусун теренден билегенлик гележекде де нечесе адамланы оьлюмден къутгъаражакъгъа шеклик ёкъ.
Артда да Ханум Алимхановагъа янгы къуллукъда янгы уьстюнлюклер ва арты битмейген насип, савлукъ ёрамагъа сюемен.
Герейхан Гьажиев,
хас мухбирибиз.
Суратда: Ханум Алимханова.
