Адилянгыюртлу 47 йыллыкъ Элдар Сапаев Россияны Оборона министерлиги булан дыгъар байлап, асгерлени сыдраларында къуллукъ этегенли 20 йылдан да кёп бола. Ватанына къыйынлы гюн гелгенде, ол гьеч ойлашмай бизин уьлкени янгы къурулгъан регионларыны халкъын якъламакъ муратда ондагъы асгер бёлюклеге къошула. Украина булангъы дазуда юрюлеген хас дав гьаракатда кютген асгер борчуна гёре ол «Къоччакълыгъы учун» деген II-нчи даражалы медаль булан савгъатлангъан.
Элдар биринчи гюнюнден тутуп алдынлы асгер бёлюкге тюшюп, оьзюн бажарывлу сапёр гьисапда гёрсетген. Ол даим алдынлылардан болуп, миналардан ва оьзге атылагъан алатлардан оьзюню дав ёлдашларыны ёлунда къоркъунчсузлукъ болдуруп, аманлыгъын сакълай.
Алда да ол Жуковну ва частны командирини атындан «Давда гёрсетген уьстюнлюклери учун» деген медаллар булан да савгъатлангъан эди.
Герейхан ГЬАЖИЕВ,
оьз мухбирибиз.
СУРАТДА: Элдар Сапаев.
