Шо агьвалатны ахтармакъ учун «Ёлдаш» газетни вакили Къарамангъа етишгенде, онда жыйын юрюлюп тура эди. Кахулай жамият советини председатели Залимхан Валиев:
– Ич ишлер министерликни Киров район бёлюгюнде бизге шу биз бийлеген ерлени есилери барны, бизин штаб ерлешген уьйню азат этмекни гьакъында айтдылар. Республикадагъы олай да къувунлу гьалны бирден-бир гючлендирмегиз, деп де къошдулар. Бармакъларыбызны белгилерин де алып йибердилер. Бизге къаршы гюч де къолланмады, адам кюйде сёйледилер. Биз де олагъа: «Шу уьйлени тикгенлер, ерлени алгъанлар закон ёлунда ес болгъанмы, кимлердир оланы есилери? – деп сорадыкъ. – Биз этген иш законсуз деп айта бусагъыз, олар этген законсуз ишлеге неге гёз юмасыз. Бу топуракълар миналы халкъланыки, бизин юртланы еслигинде. Биз билмей, бизден изнусуз оланы къысматы неге чечилме герек», – деп айтдыкъ.
РФ-ни Президентини Темиркъазыкъ-Кавказ федерал округдагъы толу ихтиярлы вакилини янындагъы жамият советни члени, Къумукъ тамазалар советини председатели Абсалютдин Мурзаев о жыйында булай сёйледи:
– Лагер къургъан къумукъ вакиллени тутмагъа, мен ойлашагъан кюйде, эки себеп бар. Ихтиярланы якълайгъан къурумлар билдирген кюйде, бу йыл 21-нчи августда лак юртланы вакиллери къумукъ лагерге чапгъын этгенге байлавлу ахтарыв иш юрютегенлер къумукъ вакиллерден маълумат алма сюйгенлер. Олай буса, савутлангъан ОМОН-ну йибермей, гюч къолламай, повестка йиберме ярамаймы? Судгъа англатыв алма сюегенде, шагьатланы чакъырагъанда, шолай этиле. Экинчи ёл – къумукъланы лагерини вакиллерини штабы ерлешген уьйню олардан азат этмек. Ону да бар гюч къолламайгъан ёрукълу ёлу. Ондан сонг пачалыкъны вакиллерине коррупционерлени, айры-айры кисеси толуланы неге якълайсыз, жамиятны арзына неге агьамият бермейсиз деген талаплар да салынды. Къараман топуракълар Таргъу, Кахулай, Албёрюгент халкъланы ерлери, олагъа яшама ерлер тарыкъ деген пикруну гётердик.
Жыйында айтылгъан кюйде, къумукъ вакиллер оьзлер тутгъан ерлер барысы да алданокъ сатылгъанны билме де билмей болгъанлар. Олар бош ерлени бийлегенбиз деп тургъан. Кюйге къарагъанда, Къараман бой законсузлукъну уясы болгъан. Гьакимлик къурумлар оьзлени сиптечилигин гёрсетмеген сонг, жамият къурумлар оьзлени пайдасын оьзлер якълама токъташгъанлар. Гьалиден сонг да шолай гьайсызлыкъ юрюлюп турса, къувунлу гьаллар аз болмажагъы белгили.
– Ич ишлер министерликни Киров район бёлюгюнде бизге шу биз бийлеген ерлени есилери барны, бизин штаб ерлешген уьйню азат этмекни гьакъында айтдылар. Республикадагъы олай да къувунлу гьалны бирден-бир гючлендирмегиз, деп де къошдулар. Бармакъларыбызны белгилерин де алып йибердилер. Бизге къаршы гюч де къолланмады, адам кюйде сёйледилер. Биз де олагъа: «Шу уьйлени тикгенлер, ерлени алгъанлар закон ёлунда ес болгъанмы, кимлердир оланы есилери? – деп сорадыкъ. – Биз этген иш законсуз деп айта бусагъыз, олар этген законсуз ишлеге неге гёз юмасыз. Бу топуракълар миналы халкъланыки, бизин юртланы еслигинде. Биз билмей, бизден изнусуз оланы къысматы неге чечилме герек», – деп айтдыкъ.
РФ-ни Президентини Темиркъазыкъ-Кавказ федерал округдагъы толу ихтиярлы вакилини янындагъы жамият советни члени, Къумукъ тамазалар советини председатели Абсалютдин Мурзаев о жыйында булай сёйледи:
– Лагер къургъан къумукъ вакиллени тутмагъа, мен ойлашагъан кюйде, эки себеп бар. Ихтиярланы якълайгъан къурумлар билдирген кюйде, бу йыл 21-нчи августда лак юртланы вакиллери къумукъ лагерге чапгъын этгенге байлавлу ахтарыв иш юрютегенлер къумукъ вакиллерден маълумат алма сюйгенлер. Олай буса, савутлангъан ОМОН-ну йибермей, гюч къолламай, повестка йиберме ярамаймы? Судгъа англатыв алма сюегенде, шагьатланы чакъырагъанда, шолай этиле. Экинчи ёл – къумукъланы лагерини вакиллерини штабы ерлешген уьйню олардан азат этмек. Ону да бар гюч къолламайгъан ёрукълу ёлу. Ондан сонг пачалыкъны вакиллерине коррупционерлени, айры-айры кисеси толуланы неге якълайсыз, жамиятны арзына неге агьамият бермейсиз деген талаплар да салынды. Къараман топуракълар Таргъу, Кахулай, Албёрюгент халкъланы ерлери, олагъа яшама ерлер тарыкъ деген пикруну гётердик.
Жыйында айтылгъан кюйде, къумукъ вакиллер оьзлер тутгъан ерлер барысы да алданокъ сатылгъанны билме де билмей болгъанлар. Олар бош ерлени бийлегенбиз деп тургъан. Кюйге къарагъанда, Къараман бой законсузлукъну уясы болгъан. Гьакимлик къурумлар оьзлени сиптечилигин гёрсетмеген сонг, жамият къурумлар оьзлени пайдасын оьзлер якълама токъташгъанлар. Гьалиден сонг да шолай гьайсызлыкъ юрюлюп турса, къувунлу гьаллар аз болмажагъы белгили.
