Оьтген сонгугюн Ватанны якълавчуларыны гюнюне байлавлу болуп Бабаюртдагъы «Бабаюрт» деген спорткомплексде районну оьр класларыны охувчуларыны арасында «Гьайт, уланлар!» деген республика дав-спорт оюнларыны муниципал бёлюгю оьтгерилди. Оюнларда районну 17 школасындан гелген 119 яш ортакъчылыкъ этди.
Дав-спорт оюнланы ача туруп, Бабаюрт район администрацияны ёлбашчысы Ж.Шайыбов оюнланы ортакъчыларын Ватанын якълавчуларыны гюню булан гьакъ юрекден къутлады.
– Шо байрамны уллу агьамияты бар, – деди Ж.Шайыбов. – Дагъыстанлылар гьаман да Ватанына амин болгъан, ону бирлигин якълагъан. Шо 1999-нчу йылны ялынлы гелген гюзюнде дюнья террорчулар Дагъыстанны топурагъына гиргенде де бирдагъы керен ташдырылды. Дагъыстанлылар уллу къоркъунчлукъну алдында юмурукъдай биригип, намартлагъа тийишли кюйде къаршылыкъ билдирди, шону булан Дагъыстанны ва Россияны бирлигин сакълады.
Дав-спорт ярышлар Бабаюрт район администрацияны яшёрюмлени ишлерине, физкультурагъа ва спортгъа къарайгъан бёлюклерини ва яшланы спорт школасыны гьаракатчы ортакъчылыгъы булан оьтгерилгенни айрыча эсгермеге сюемен. Ярышлар къурумлу ва гючлю тогъа тартывларда оьтдю.
– Бугюнгю ярышланы оьтгерилмеклигини аслу себеби – яшёрюмлени патриот ругьда тарбиялав, районда дав-спорт оюнланы ва патриот къурумланы гьаракатын генглешдирмек ва асгерде къуллукъ этивню сыйын гётермек, – деди мени булангъы лакъырында Бабаюрт район администрацияны яшёрюмлени ишлерине къарайгъан бёлюгюню ёлбашчысы И.Абдуразакъов. – Биз шу меселдеги оюнланы яшёрюмлер булан чакъда-чакъда оьтгерме къаст этебиз. Неге тюгюл де, янгыз мен оьрде эсгерген себеплерден къайры да, шулай ярышлар гьар яшёрюмню айрыча гючюн-гьавкъатын белгилемеге имканлыкълар бере. Биз эслеген кюйде, шулай ярышларда ортакъчылыкъ этеген яш наслуну йылдан-йылгъа санаву да арта, шону булан бирге ярышларда къазангъан уьстюнлюкню абуру да гётериле.
Тюзюн айтмагъа герек, гертилей де, ярышларда гючлю тогъа тартывлар болма да болду. Утдурмагъа бир яш да, бир команда да сюймей эдилер. Гьакъыкъатда адилли судьялар сёзюн айтды. Ярышланы ахырында белгили болгъан кюйде, оьзлени тенглилерини арасында лап да гючлю болуп 1 номерли Львовск юртлу яшёрюмлер чыкъды. Олагъа биринчи ерни диплому ва багьалы савгъатлар да тапшурулду. Экинчи ва уьчюнчю ерлени оьзлени арасында Бабаюртдагъы 2 ва 1 номерли школаланы охувчулары пайладылар.
Ярышларда утгъанлар болса да, утдургъанлар болмады деп эсиме геле. Яшёрюмлер оьзлени тенглилери булан гьаллашдылар, янгы ярышлагъа не меселде гьазир болмагъа герекни, ингдеси, гьариси оьзюню гючюн сынама болдулар.
Оюнланы ахырында айры-айры ярышларда алдынлы ерлени алгъанлар да дипломлар ва эсделик савгъатлар булан савгъатландылар.
Суратда: эсделик сурат.
Дав-спорт оюнланы ача туруп, Бабаюрт район администрацияны ёлбашчысы Ж.Шайыбов оюнланы ортакъчыларын Ватанын якълавчуларыны гюню булан гьакъ юрекден къутлады.
– Шо байрамны уллу агьамияты бар, – деди Ж.Шайыбов. – Дагъыстанлылар гьаман да Ватанына амин болгъан, ону бирлигин якълагъан. Шо 1999-нчу йылны ялынлы гелген гюзюнде дюнья террорчулар Дагъыстанны топурагъына гиргенде де бирдагъы керен ташдырылды. Дагъыстанлылар уллу къоркъунчлукъну алдында юмурукъдай биригип, намартлагъа тийишли кюйде къаршылыкъ билдирди, шону булан Дагъыстанны ва Россияны бирлигин сакълады.
Дав-спорт ярышлар Бабаюрт район администрацияны яшёрюмлени ишлерине, физкультурагъа ва спортгъа къарайгъан бёлюклерини ва яшланы спорт школасыны гьаракатчы ортакъчылыгъы булан оьтгерилгенни айрыча эсгермеге сюемен. Ярышлар къурумлу ва гючлю тогъа тартывларда оьтдю.
– Бугюнгю ярышланы оьтгерилмеклигини аслу себеби – яшёрюмлени патриот ругьда тарбиялав, районда дав-спорт оюнланы ва патриот къурумланы гьаракатын генглешдирмек ва асгерде къуллукъ этивню сыйын гётермек, – деди мени булангъы лакъырында Бабаюрт район администрацияны яшёрюмлени ишлерине къарайгъан бёлюгюню ёлбашчысы И.Абдуразакъов. – Биз шу меселдеги оюнланы яшёрюмлер булан чакъда-чакъда оьтгерме къаст этебиз. Неге тюгюл де, янгыз мен оьрде эсгерген себеплерден къайры да, шулай ярышлар гьар яшёрюмню айрыча гючюн-гьавкъатын белгилемеге имканлыкълар бере. Биз эслеген кюйде, шулай ярышларда ортакъчылыкъ этеген яш наслуну йылдан-йылгъа санаву да арта, шону булан бирге ярышларда къазангъан уьстюнлюкню абуру да гётериле.
Тюзюн айтмагъа герек, гертилей де, ярышларда гючлю тогъа тартывлар болма да болду. Утдурмагъа бир яш да, бир команда да сюймей эдилер. Гьакъыкъатда адилли судьялар сёзюн айтды. Ярышланы ахырында белгили болгъан кюйде, оьзлени тенглилерини арасында лап да гючлю болуп 1 номерли Львовск юртлу яшёрюмлер чыкъды. Олагъа биринчи ерни диплому ва багьалы савгъатлар да тапшурулду. Экинчи ва уьчюнчю ерлени оьзлени арасында Бабаюртдагъы 2 ва 1 номерли школаланы охувчулары пайладылар.
Ярышларда утгъанлар болса да, утдургъанлар болмады деп эсиме геле. Яшёрюмлер оьзлени тенглилери булан гьаллашдылар, янгы ярышлагъа не меселде гьазир болмагъа герекни, ингдеси, гьариси оьзюню гючюн сынама болдулар.
Оюнланы ахырында айры-айры ярышларда алдынлы ерлени алгъанлар да дипломлар ва эсделик савгъатлар булан савгъатландылар.
Суратда: эсделик сурат.
