15 йыллыкъ юртлу саньдаист ярышларда дёрт керен уьст гелген. Финал ёлугъувда буса ол Тюркияны чемпиону Негьмет Озогълуну утгъан ва биринчи ерге ес болгъан.

Рамазан бираз алда Россияны ва Дагъыстанны чемпионатларында да биринчи ерлеге ес болгъан эди.

– Европа оьлчевде оьр канзиге гётерилип, Рамазан бизин сююндюрдю. Ушу-саньданы бизин спорт школада яхшы абуру да бар. Артдагъы йылланы ичинде айрокъда Къазмаавулдагъы секцияны яшлары кёп савгъатлар къазанып туралар. Шо уьстюнлюклеге яшланы тренери Мурат Къонакъбиев етишдирген, – деди Али Порсукъовну атындагъы 1 номерли район спорт школаны директору Уллубий Салаватов.

– Рамазан финал ёлугъувда оьзю булан ябушагъан тюркиялы саньдаистге бир балл алма да къоймады. Бизин яш бек яхшы техника ва къастлыгъын гёрсетип ябушду ва утма болду, – деди чемпионну тренери Мурат Къонакъбиев.

Юртлу яш чемпионну Европадагъы уьстюнлюгю булан къутлайбыз.

 

 

И. гьажиев.

Автор чыгъаргъан сурат.