Маржанатны 1988-нчи йылда башлангъан йыр сокъмагъы бугюнлерде давам этиле. Шо йылларда ону «Эндирей» деген группаны солисткасы гьисапда таный болгъан буса, бара-бара ол оьзю айрыча йырлама башлай. Магьачкъалада уллу залларда 8 керен концерт гёрсетме бажара. Озокъда, бу даража Маржанатгъа бир гюнден гелмеген, ону яратывчулукъ ёлунда кёмек этегенлер кёп ёлукъгъан. Дагъыстанны ат къазангъан артисти Латип Шайыпов, музыкант Сайдулла Дадаев ва композитор Абдулмажит Абдурашитов – ону биринчи насигьатчылары. Тек ол гьар заманда да Исбат Баталбекованы, Татам Муратовну ва Бурлият Ибрагьимованы йырларыны таъсирини тюбюнде оьсген. Ондан къайры да, Маржанатгъа шаирлер Шарабутдин Сулейманов, Бадрутдин Магьамматов, Гебек Къонакъбиев ва Женнет Мусаева, композиторлар Аскерхан Аскерханов, Хизри Батыргишиев яратывчулукъ ёлунда бек кёмек этгенлер. Ол эстрада йырлар булан янаша, халкъ йырланы да йырлама башлагъан.
Оьтген заманны ичинде Маржанат Магьачкъаладагъы культпросвет ва Дагъыстан пачалыкъ университетни экономика факультетин битген, тек яшдан берли тюшген ёлундан таймагъан.
Маржанат Гьажиева 1995–2000-нчи йылларда Алимпаша Салаватовну атындагъы Къумукъ музыка-драмалы театрда актриса болуп да ишлеген. Театрда ол оьзюн сагьнада тутма ва къаравчулар булан жанлы лакъыр этме уьйренген.
Ол йылдан-йылгъа бажарывлугъун артдыргъан, конкурсларда ва фестиваллагъа чакъырылагъан болгъан. 2003-нчю йылда Израйылда болгъан халкъара конкурсда инг де оьр савгъатны алгъан ва огъар «Алтын бюлбюл» («Золотой соловей») деген ат берилген. Бу йылны башында буса милли маданиятны ва инчесаниятны оьсювюне этген къошуму учун ДР-ни Гьюрметлев грамотасы булан савгъатлангъан, «Дагъыстанны ат къазангъан» артисткасы деген сыйлы ат берилген.
Октябр айны сегизинде Хасавюртдагъы «Спартак» деген маданият къалада Маржанат Гьажиеваны концерти оьтгерилди. Йырав къызны янгы концерти жыйылгъанланы бек кепине гелди. Гюллер, савгъатлар ва гючлю харс урувлар булан бирге къаравчулар бюлбюл тавушлу Маржанатгъа разилигин билдирди.
Шолай да, концертде эстрада йыравлар Завур Асевов, Разият Ибрагьимова, Тимур Меликов, Муника, Рустам Агьматханов ва «Эхо гор» деген бийив ансамбль ортакъчылыкъ этди.
Маржанат концертни онгаргъанлагъа баракалла билдирди ва уллу концертин язда Магьачкъалада этме сюегенин айтды.
Маржанатны янгыдан сагьнагъа къайтыву булан къутлап, огъар яратывчулукъ ёлунда дагъы да уллу уьстюнлюклер ёрайбыз!
Оьтген заманны ичинде Маржанат Магьачкъаладагъы культпросвет ва Дагъыстан пачалыкъ университетни экономика факультетин битген, тек яшдан берли тюшген ёлундан таймагъан.
Маржанат Гьажиева 1995–2000-нчи йылларда Алимпаша Салаватовну атындагъы Къумукъ музыка-драмалы театрда актриса болуп да ишлеген. Театрда ол оьзюн сагьнада тутма ва къаравчулар булан жанлы лакъыр этме уьйренген.
Ол йылдан-йылгъа бажарывлугъун артдыргъан, конкурсларда ва фестиваллагъа чакъырылагъан болгъан. 2003-нчю йылда Израйылда болгъан халкъара конкурсда инг де оьр савгъатны алгъан ва огъар «Алтын бюлбюл» («Золотой соловей») деген ат берилген. Бу йылны башында буса милли маданиятны ва инчесаниятны оьсювюне этген къошуму учун ДР-ни Гьюрметлев грамотасы булан савгъатлангъан, «Дагъыстанны ат къазангъан» артисткасы деген сыйлы ат берилген.
Октябр айны сегизинде Хасавюртдагъы «Спартак» деген маданият къалада Маржанат Гьажиеваны концерти оьтгерилди. Йырав къызны янгы концерти жыйылгъанланы бек кепине гелди. Гюллер, савгъатлар ва гючлю харс урувлар булан бирге къаравчулар бюлбюл тавушлу Маржанатгъа разилигин билдирди.
Шолай да, концертде эстрада йыравлар Завур Асевов, Разият Ибрагьимова, Тимур Меликов, Муника, Рустам Агьматханов ва «Эхо гор» деген бийив ансамбль ортакъчылыкъ этди.
Маржанат концертни онгаргъанлагъа баракалла билдирди ва уллу концертин язда Магьачкъалада этме сюегенин айтды.
Маржанатны янгыдан сагьнагъа къайтыву булан къутлап, огъар яратывчулукъ ёлунда дагъы да уллу уьстюнлюклер ёрайбыз!
Г.БЕК.
Суратда: Дагъыстанны ат къазангъан артисткасы Маржанат Гьажиева (ортада) концертден сонг.
