Паравулдагъы 2 номерли орта школада 2013-нчю йылны декабр айыны 28-нде оьтгерилген ачыкъ дарс, Экинчи дюнья давну йылларында бек къайгъылы, адамлыкъны тарихинде бек илыкълы, миллионлар булан адамлар концлагерлерде къырылгъанлыгъына – фашизмни къурбанлыкъларына багъышлангъан эди. 27-нчи январ Холокостда азап чекгенлени халкъара гюню деп белгилене. «Холокост» деген сёз, бырынгъы грек тилде айтгъанда, «бютюн яллатыв» (всесожжение) деген маънаны бере.
Бизин школада охув йылны ичинде патриот темалагъа багъышлангъан 60-дан да къолай чаралар оьтгерилди. Муаллимлер кёбюсю класлыкъ сагьатларын янгы проектлер салынгъан кабинетлерде оьтгере.
Мен оьрде эсгерген ачыкъ дарсны къылыкъ ва тарбиягъа оьтесиз бек агьамият береген, 30 йылны узагъында муаллим касбуда уллу сынаву булангъы, 14 йылны узагъында школада тарбия бёлюкню заведующийи болуп ишлеп турагъан Найида Адилгереевна Гереева 4-нчю, 11-нчи класланы охувчулары булан, проектни де къоллап, школаны тарих кабинетинде оьтгерди. Бу школада ишлейген математика дарсланы юрютеген Асият Бадабиевна Бадабиева ачыкъ сагьатгъа кёп арив гёрюнюшлер ва гьар охувчу оьзюню шиъруларын алгъа чыгъып охуйгъангъа гёре музыкалар, макъамлар онгаргъан эди.
Ачыкъ дарсны 10-нчу класны охувчулары ва оьзю Найида Гереева бойнуна алып юрюте эди. Найида Гереева яш наслуну патриот ругьда тарбиялавгъа бек агьамият бере. Ачыкъ дарсгъа къарама гелген уллуланы ва яшланы гёзлеринде чыкъ йимик йыртыллап гёзьяшлары гёрюне эди. Сессиз шыплыкъ шонча уллу ва адамдан толгъан кабинетни елеген эди. Янгыз бизин юреклерибизни аста тавуш булан уруву эшитилсе тюгюл, дагъы бир тавуш да ёкъ эди. Гьар шонда олтургъан адам къайтарывсуз къайгъыны ва магьрюм къалывну, савлай давну азапларын оьзюню ичинден оьтгерди.
Ачыкъ сагьатны ахырында Найида Адилгеревна яшлагъа булай ёравлар айтды: «Яшлар, вёрегиз, сиз бир заманда да гишиге гелген къайгъыгъа арекден, сувукъ, гёнгюлсюзлюк булан янашып къалмагъыз». Гёнгюлсюзлюкдюр адамлыкъны оьлтюреген деп айтгъанын да унутма болмайман.
Мен оьзюм де бу школада ишлейгенли 10 йыл бола. Найида Адилгеревна Гереева мени де рус тилден дарс берген муаллимим. Ол рус тилни ана тилидей биле. Савлай муаллимлени ва охувчуланы атындан огъар уллу баракалламны билдиремен. Шу сизин къыйын ишигизде гьар адамгъа рагьмулу, илиякълы, агьамиятлы экенигизге ва мени йимик яш муаллимлер учун этеген уллу ишлеригизге Аллагь рази болсун деп айтма сюемен. Сёзюмню артында бары да муаллимлеге оьз тарихибизни кюрчюсюне бакъгъан сююв гьислерин яш наслулагъа шулай ачыкъ дарслар оьтгерип яймакъны ёрайман. Я Аллагь, гьар адам бу дюньяда парахатлыкъны аяп яшасын!
Бизин школада охув йылны ичинде патриот темалагъа багъышлангъан 60-дан да къолай чаралар оьтгерилди. Муаллимлер кёбюсю класлыкъ сагьатларын янгы проектлер салынгъан кабинетлерде оьтгере.
Мен оьрде эсгерген ачыкъ дарсны къылыкъ ва тарбиягъа оьтесиз бек агьамият береген, 30 йылны узагъында муаллим касбуда уллу сынаву булангъы, 14 йылны узагъында школада тарбия бёлюкню заведующийи болуп ишлеп турагъан Найида Адилгереевна Гереева 4-нчю, 11-нчи класланы охувчулары булан, проектни де къоллап, школаны тарих кабинетинде оьтгерди. Бу школада ишлейген математика дарсланы юрютеген Асият Бадабиевна Бадабиева ачыкъ сагьатгъа кёп арив гёрюнюшлер ва гьар охувчу оьзюню шиъруларын алгъа чыгъып охуйгъангъа гёре музыкалар, макъамлар онгаргъан эди.
Ачыкъ дарсны 10-нчу класны охувчулары ва оьзю Найида Гереева бойнуна алып юрюте эди. Найида Гереева яш наслуну патриот ругьда тарбиялавгъа бек агьамият бере. Ачыкъ дарсгъа къарама гелген уллуланы ва яшланы гёзлеринде чыкъ йимик йыртыллап гёзьяшлары гёрюне эди. Сессиз шыплыкъ шонча уллу ва адамдан толгъан кабинетни елеген эди. Янгыз бизин юреклерибизни аста тавуш булан уруву эшитилсе тюгюл, дагъы бир тавуш да ёкъ эди. Гьар шонда олтургъан адам къайтарывсуз къайгъыны ва магьрюм къалывну, савлай давну азапларын оьзюню ичинден оьтгерди.
Ачыкъ сагьатны ахырында Найида Адилгеревна яшлагъа булай ёравлар айтды: «Яшлар, вёрегиз, сиз бир заманда да гишиге гелген къайгъыгъа арекден, сувукъ, гёнгюлсюзлюк булан янашып къалмагъыз». Гёнгюлсюзлюкдюр адамлыкъны оьлтюреген деп айтгъанын да унутма болмайман.
Мен оьзюм де бу школада ишлейгенли 10 йыл бола. Найида Адилгеревна Гереева мени де рус тилден дарс берген муаллимим. Ол рус тилни ана тилидей биле. Савлай муаллимлени ва охувчуланы атындан огъар уллу баракалламны билдиремен. Шу сизин къыйын ишигизде гьар адамгъа рагьмулу, илиякълы, агьамиятлы экенигизге ва мени йимик яш муаллимлер учун этеген уллу ишлеригизге Аллагь рази болсун деп айтма сюемен. Сёзюмню артында бары да муаллимлеге оьз тарихибизни кюрчюсюне бакъгъан сююв гьислерин яш наслулагъа шулай ачыкъ дарслар оьтгерип яймакъны ёрайман. Я Аллагь, гьар адам бу дюньяда парахатлыкъны аяп яшасын!
Жаминат Ибрагьимова,
Паравулдагъы 2 номерли орта школаны башлапгъы класларыны муаллими.
Суратда: Н. Гереева.
