Бабаюрт район администрацияны маълумат политикагъа ва массалыкъ коммуникациялагъа къарайгъан Управлениесини сиптечилиги булан Дагъыстан АССР-ни 100 йыллыгъына байлавлу ана тилде шиърулар охуйгъанланы арасында онлайн-конкурс юрюлюп тура.

Бизге билдирген кюйде, конкурс Инстаграмдагъы @vestibabayurt деген гюпде юрюле ва ана тилде язылгъан шиъруну лап да яхшы охуйгъан яшны гюпню ортакъчылары белгилежек.

Конкурсгъа районну бары да школалары къуршалгъан ва ону гьасиллери 1-нчи февралда чыгъарылажакъ. Алдынлы ерлени алгъанлар багьалы савгъатлар ва грамоталар булан савгъатланажакъ.