Гюйдюрмес районну Дарбанхи юртунда Руслан Таймаев боксдан ва тай боксдан тренер болуп ишлейгенли кёп болмай. Аз заманны ичинде, ата юртунда ва хоншу Борагъанда гиччи яшланы спортгъа къуршап, тренировкалар оьтгерип, разилик къазангъан.
Ол оьзю де гиччиден берли боксну кёп сюйген. Башлап Гюйдюрмес районну чемпиону болгъан. 2008-нчи йылда буса Мычыгъыш Республиканы чемпионатында экинчи савгъатны къазангъан. Грозный ва Гюйдюрмес шагьарларда оьтгерилген турнирлерде де уьстюнлюклер къазангъан.
Руслан уьйретген яшлар районну чемпионатларында кёп керенлер биринчи ерлени алгъанлар. Мисал учун, Ислам Эдилсолтанов боксдан яшланы арасында Мычыгъыш Республиканы чемпиону болгъан. Тай боксдан Сулейман Адигов республика турнирде савгъатлы ерни алгъан. Бу – башлапгъы уьстюнлюклер. Гележекде олар кёп болажагъына инанасан. Неге тюгюл де, яш тренер Руслан Таймаев яшлар булан къаст этип ишлей.
– Эки де юртда ишлейген секциялагъа 60 яш юрюй. Яшлар тренировкалагъа кёп сююп гелелер. Бирлери боксну ушата, бирлери – тай боксну. Гиччи яшланы спортгъа къуршасакъ, олар учун уллу пайдалы иш болур. Неге тюгюл де, спортгъа къуршалмагъан яшлар, оьз башына къалып, тарыкъсыз ишлер булан машгъул болмакъ бар.
Борагъан юртда бираз алда уллу арив спорткомплекс ачылды. Шо – нечакъы да яхшы. Яшлагъа гененип спорт булан машгъул болма имканлыкълар болду. Тренировкалагъа гелме сюегенлени санаву гьали дагъы да артажакъ. Мен уьйретеген яшланы арасында уллу гележеги булангъылар да бар. Оланы атларын эсгерме сюемен: Ренат Къагьиров, Кимран Нахаев, Билал Есеев, Билал Шахмурзаев ва Рагьман Терикбаев. Ювукъ арада бизин Дарбанхи ва Борагъан юртну тай боксёрларыны атлары айтылажакъ, – дей Руслан.
Руслан айтылгъан авур атлет, СССР-ни спортуну устасы Арсланбек Таймаевни уланы болагъанны да эсгермекни тийишли гёребиз.
Суратда: тренер Р. Таймаев оьзю уьйретеген яшлар булан.
Автор чыгъаргъан сурат.
Ол оьзю де гиччиден берли боксну кёп сюйген. Башлап Гюйдюрмес районну чемпиону болгъан. 2008-нчи йылда буса Мычыгъыш Республиканы чемпионатында экинчи савгъатны къазангъан. Грозный ва Гюйдюрмес шагьарларда оьтгерилген турнирлерде де уьстюнлюклер къазангъан.
Руслан уьйретген яшлар районну чемпионатларында кёп керенлер биринчи ерлени алгъанлар. Мисал учун, Ислам Эдилсолтанов боксдан яшланы арасында Мычыгъыш Республиканы чемпиону болгъан. Тай боксдан Сулейман Адигов республика турнирде савгъатлы ерни алгъан. Бу – башлапгъы уьстюнлюклер. Гележекде олар кёп болажагъына инанасан. Неге тюгюл де, яш тренер Руслан Таймаев яшлар булан къаст этип ишлей.
– Эки де юртда ишлейген секциялагъа 60 яш юрюй. Яшлар тренировкалагъа кёп сююп гелелер. Бирлери боксну ушата, бирлери – тай боксну. Гиччи яшланы спортгъа къуршасакъ, олар учун уллу пайдалы иш болур. Неге тюгюл де, спортгъа къуршалмагъан яшлар, оьз башына къалып, тарыкъсыз ишлер булан машгъул болмакъ бар.
Борагъан юртда бираз алда уллу арив спорткомплекс ачылды. Шо – нечакъы да яхшы. Яшлагъа гененип спорт булан машгъул болма имканлыкълар болду. Тренировкалагъа гелме сюегенлени санаву гьали дагъы да артажакъ. Мен уьйретеген яшланы арасында уллу гележеги булангъылар да бар. Оланы атларын эсгерме сюемен: Ренат Къагьиров, Кимран Нахаев, Билал Есеев, Билал Шахмурзаев ва Рагьман Терикбаев. Ювукъ арада бизин Дарбанхи ва Борагъан юртну тай боксёрларыны атлары айтылажакъ, – дей Руслан.
Руслан айтылгъан авур атлет, СССР-ни спортуну устасы Арсланбек Таймаевни уланы болагъанны да эсгермекни тийишли гёребиз.
Суратда: тренер Р. Таймаев оьзю уьйретеген яшлар булан.
Автор чыгъаргъан сурат.
