77 кило авурлукъда Арсен рывокда 150 ва толчокда 170 кило гётерме болгъан. Булай уллу уьстюнлюкге Бабаюрт районну тарихинде спортда биринчилей Арсен Борагъанов етишген. Россияны спортуну 25 йыллыкъ устасы Арсен – Дагъыстанны он керен ва Темиркъазыкъ-Кавказ федерал округну эки керен чемпиону. Къыбла федерал округда уьчюнчю савгъатны да алгъан. «Дружба-мир Кавказу» деген турнирлерде де эки керен уьст гелген.
– Кубокну ярышларына гьазирликни Арсен Къабарты-Балкъар Республиканы Тырнауз ва Москва областны Чехов шагьарларында яхшы гьазирлик гёрдю. Орёл шагьарда савгъатлы ер къазанма мурат салгъан эдик ва ол уьчюнчю савгъатгъа ес болду. Россияны ат къазангъан тренери Мегьти Маккаев тренировкаларда Арсенге айры программа булан гьазирлик гёрюп, шайлы кёмек этгенин айрыча эсгерме сюемен. Айтагъаным, уьч айны ичинде нече тон авурлукъ гётерме тюшдю, –деди Дагъыстан Республиканы физкультурасыны ат къазангъан къуллукъчусу ва Арсенни тренери атасы Абсалютдин Борагъанов.
–Ай ярым алда магъа Россияны чемпионатында савгъатлы ерни алма насип болмагъан эди. Шо ярышлардан сонг мен кубокну ярышларына гьазирлик гёрме башладым. Озокъда, Орёл шагьарда магъа савгъатлы ерни алма тынч болмады. Ингдеси, мени янымда магъа ругь береген атам бар эди. Балики, шо ругь магъа гюч де бергендир. Йыракъ ерлерде янынгда якълайгъан адам болса, помостда да бираз тынч бола.
Анам Бурлиятны, агъаларым Муратны ва Русланны (олар да атлетлер), къызардашларымны Бабаюртда магъа юреги авуртуп тургъанны билемен.
Атам булан биз нече юз сагьатлар тренировкалар оьтгергенбиз, тер тёкгенбиз, – дей Арсен Борагъанов.
Россияны кубогуну ярышларында оьзюню гючюн-гьюнерин гёрсетген къумукъ улан булан оьктем болабыз ва къутлайбыз.
Измулла ГЬАЖИЕВ.
Суратда: А. Борагъанов.
– Кубокну ярышларына гьазирликни Арсен Къабарты-Балкъар Республиканы Тырнауз ва Москва областны Чехов шагьарларында яхшы гьазирлик гёрдю. Орёл шагьарда савгъатлы ер къазанма мурат салгъан эдик ва ол уьчюнчю савгъатгъа ес болду. Россияны ат къазангъан тренери Мегьти Маккаев тренировкаларда Арсенге айры программа булан гьазирлик гёрюп, шайлы кёмек этгенин айрыча эсгерме сюемен. Айтагъаным, уьч айны ичинде нече тон авурлукъ гётерме тюшдю, –деди Дагъыстан Республиканы физкультурасыны ат къазангъан къуллукъчусу ва Арсенни тренери атасы Абсалютдин Борагъанов.
–Ай ярым алда магъа Россияны чемпионатында савгъатлы ерни алма насип болмагъан эди. Шо ярышлардан сонг мен кубокну ярышларына гьазирлик гёрме башладым. Озокъда, Орёл шагьарда магъа савгъатлы ерни алма тынч болмады. Ингдеси, мени янымда магъа ругь береген атам бар эди. Балики, шо ругь магъа гюч де бергендир. Йыракъ ерлерде янынгда якълайгъан адам болса, помостда да бираз тынч бола.
Анам Бурлиятны, агъаларым Муратны ва Русланны (олар да атлетлер), къызардашларымны Бабаюртда магъа юреги авуртуп тургъанны билемен.
Атам булан биз нече юз сагьатлар тренировкалар оьтгергенбиз, тер тёкгенбиз, – дей Арсен Борагъанов.
Россияны кубогуну ярышларында оьзюню гючюн-гьюнерин гёрсетген къумукъ улан булан оьктем болабыз ва къутлайбыз.
Измулла ГЬАЖИЕВ.
Суратда: А. Борагъанов.
