Арадан хыйлы йыллар оьтсе де…

 

 

Забайкальеде полицейскийлер Къаягент районну Герга юрт администрациясыны башчысы Абдулла Къурбановну тутгъан.

 

Аманлыкъны къоруйгъан къурумлар токъташдырагъан кюйде, А.Къур-банов  къардашы  ва бирдагъы танышы булан 2001-нчи йылда Краснока-менск деген шагьарда «Мебель-золото» деген тюкенге савут булан чапгъын этген болгъан. Тюкенни къаравулчусу тонавчулагъа къаршылыкъ билдирмеге къарагъанда, жинаятчылар огъар тапанчалар булан атышып оьлю яралар салгъан. Шо гюн тюкенден 1,6 миллион манатгъа токътайгъан алтынлар ва брильянтлар урлангъан.

Алдындагъы гюнлер А.Къурбанов  Чита областда  турагъан тезги къурдашына къонакълай гелген болгъан. Шо хабар нечик де полицейс-кийлеге етишген ва хас чаралар гёрюп, жинаятчыны тутгъан.

А.Къурбанов булан бирче  тюкенге чапгъын этген танышын тезде оьзю йимик бандитлер оьлтюрген. Къардашы бир тюрлю макюрчюлюк ишлери саялы туснакъгъа тюшген. Гьали  арадан 22 йыл оьтсе де, огъар оьзюне де законну алдында жавап бермеге тюшежек. РФ-ни Уголовный кодексине гёре, суд ону 20 йылгъа ерли эркинликден магьрюм этмеге бола.

 

Алав АЛИЕВ

 

Авторизация
*
*
Регистрация
*
*
*
Согласны с условиями сайта?
Генерация пароля