«Азбука» китабымны

Аяп къолгъа аламан,

Тангала школагъа

Барма гьазир боламан.

 

Анам къолумдан тутуп,

Школагъа элтежек,

Байрам гюндей белсенген

Класны гёрсетежек.

 

«Азбука» китабымны

Охурман къайтып-къайтып,

Беш алма герегимни

Билемен анам айтып.

 

Биринчи учителим

Бир арив сёйлер магъа,

Бу арив азбуканы

Ким алды дежек сагъа…

 

Озокъда, анам алгъан,

Китап да, тетират да,

Дагъы да не герекни

Сорап билербиз артда.

 

Анамны сююндюрме,

Бешлер алып къайтарман,

Бешлер алагъанымны

Атама да айтарман.