Район администрацияны биринчи къатдагъы эркин тамларында тарбиялавчулар этген яратывчу ишлер гёрмеге тизилип салынгъан эди. Сагьнагъа буса гиччипавланы лап яхшы деп гьисапланагъан 11 тарбиялавчусу чыкъмагъа оьз гезигин къаравуллап токътагъан эди.
Ярышны биринчи бёлюгюнде оланы гьариси оьзюн малим этмеге, оьзюню оьзекли педагогика гьаракатын ва методика масъалаланы исбат этип гёрсетмеге борчлу эди.
Район администрацияны башчысыны заместители Гьажимурат Ражбутдинов, билим беривню район управлениесини башчысы Зайнутдин Залимханов, район администрацияны иш юрютюв управлениесини башчысы Мария Къурбанова, билим берив управлениени яшлар ожакъларына къарайгъан касбучусу Элмира Жафарова, тарбиялав ишни агьамиятыны уллулугъун айрыча эсгере туруп, ярышны ортакъчыларына тавакаллыкъ, уьстюнлюклер ёрадылар.
Оланы сагьнада «иш гёрсетген» кюйлерине къыймат береген хас комиссия да бар эди. Биринчилей ортагъа Тёбен Жюнгютейдеги «Юлдуз» деген яшлар бавуну ансамбли чыкъды. Гиччипавлар «Язбашны гёз ачыву» деген бийивню барышында оьзлер де гёбелеклеге нече де бек ошап къалгъан эдилер. Халимбекавулдагъы яшлар бавуну «Гёбелек» деген ансамблиндеги яшлар къумукъча бийийген кюйден де жюрини членлери ва къаравчулар тазза леззет алдылар.
Ярышгъа чыкъгъанланы гьар бириси яшлар бавларында юрюлеген ишлени къайдаларын аян этдилер, иш сынавуну сырларын ортагъа салып гёрсетдилер. Ярышны къурувчусу оьзю Элмира Жафарова оьз гезигинде тарбиялавчулагъа методика ва гьакъыкъат ишни юрютеген якъдан кёп кёмеклер этген.
Гьасили, яратывчулукъ ярышны гьар бёлюгюнде ону ортакъчылары оьзлени негер гьюнери ва гючю чатагъанны толу кюйде гёрсетмеге кёп къаныгъып чалышдылар. Сагьнада болуп турагъан гьар гёрюнюш къаравчуну оьзюне тартагъан меселде арив юрюле эди.
Ярышны гьасиллерин чыгъарагъанлар бары да этилген, гёрсетилген чакъы затны тындырыкълы кюйде жамын чыгъаргъан сонг, Тёбен Жюнгютейдеги «Юлдуз» деген яшлар бавуну тарбиялавчусу Д. Османовагъа биринчи ерни бермеге тийишли гёрдю.
Экинчи ерни буса Тёбен Къазанышдагъы «Гюнеш» (Солнышко) деген яшлар бавуну тарбиялавчусу Р. Юсупова, Халимбекавулдагъы «Гёбелекни» тарбиялавчусу З. Давутова, Буглендеги «Акъ чечек» (Ромашка) деген яшлар бавуну къуллукъчусу М. Газанова пайлап алдылар.
Уьчюнчю ер Янгы Къумукъдагъы «Яшлыкъ», Оьр Къазанышдагъы «Энемжая» («Радуга») деген яшлар бавларыны тарбиялавчулары П. Таштемирова, А. Мамаевагъа берилди.
Район ярышда биринчи ерни алгъан тарбиялавчу Буйнакск районну атындан республиканы оьлчевюнде болажакъ ярышгъа баражакъ.
Ярышны биринчи бёлюгюнде оланы гьариси оьзюн малим этмеге, оьзюню оьзекли педагогика гьаракатын ва методика масъалаланы исбат этип гёрсетмеге борчлу эди.
Район администрацияны башчысыны заместители Гьажимурат Ражбутдинов, билим беривню район управлениесини башчысы Зайнутдин Залимханов, район администрацияны иш юрютюв управлениесини башчысы Мария Къурбанова, билим берив управлениени яшлар ожакъларына къарайгъан касбучусу Элмира Жафарова, тарбиялав ишни агьамиятыны уллулугъун айрыча эсгере туруп, ярышны ортакъчыларына тавакаллыкъ, уьстюнлюклер ёрадылар.
Оланы сагьнада «иш гёрсетген» кюйлерине къыймат береген хас комиссия да бар эди. Биринчилей ортагъа Тёбен Жюнгютейдеги «Юлдуз» деген яшлар бавуну ансамбли чыкъды. Гиччипавлар «Язбашны гёз ачыву» деген бийивню барышында оьзлер де гёбелеклеге нече де бек ошап къалгъан эдилер. Халимбекавулдагъы яшлар бавуну «Гёбелек» деген ансамблиндеги яшлар къумукъча бийийген кюйден де жюрини членлери ва къаравчулар тазза леззет алдылар.
Ярышгъа чыкъгъанланы гьар бириси яшлар бавларында юрюлеген ишлени къайдаларын аян этдилер, иш сынавуну сырларын ортагъа салып гёрсетдилер. Ярышны къурувчусу оьзю Элмира Жафарова оьз гезигинде тарбиялавчулагъа методика ва гьакъыкъат ишни юрютеген якъдан кёп кёмеклер этген.
Гьасили, яратывчулукъ ярышны гьар бёлюгюнде ону ортакъчылары оьзлени негер гьюнери ва гючю чатагъанны толу кюйде гёрсетмеге кёп къаныгъып чалышдылар. Сагьнада болуп турагъан гьар гёрюнюш къаравчуну оьзюне тартагъан меселде арив юрюле эди.
Ярышны гьасиллерин чыгъарагъанлар бары да этилген, гёрсетилген чакъы затны тындырыкълы кюйде жамын чыгъаргъан сонг, Тёбен Жюнгютейдеги «Юлдуз» деген яшлар бавуну тарбиялавчусу Д. Османовагъа биринчи ерни бермеге тийишли гёрдю.
Экинчи ерни буса Тёбен Къазанышдагъы «Гюнеш» (Солнышко) деген яшлар бавуну тарбиялавчусу Р. Юсупова, Халимбекавулдагъы «Гёбелекни» тарбиялавчусу З. Давутова, Буглендеги «Акъ чечек» (Ромашка) деген яшлар бавуну къуллукъчусу М. Газанова пайлап алдылар.
Уьчюнчю ер Янгы Къумукъдагъы «Яшлыкъ», Оьр Къазанышдагъы «Энемжая» («Радуга») деген яшлар бавларыны тарбиялавчулары П. Таштемирова, А. Мамаевагъа берилди.
Район ярышда биринчи ерни алгъан тарбиялавчу Буйнакск районну атындан республиканы оьлчевюнде болажакъ ярышгъа баражакъ.
А. ЗАЛИМХАНОВ.
