Агьлю яшав тюзелмегенде…

 

 

Дагъыстанны Оьр судунда Къызларда турагъан уьч адамны уголовный ишлерине къаралгъан.

 

Судгъа бакъдырылгъан материаллагъа гёре, аштарханлы тиштайпа къызларлы улан булан уьйленген болгъан. Тек оланы агьлю яшаву лап башындан тутуп тюзелмеген. Гьар гюн йимик ожакъда эришивлер бола. Эри ичегенден къайры, бир адамшавлу ишге тюшме къарамай.

Шо заман къатынгиши эрин оьлтюрюп къутулма токъташгъан. Оьзю шо ишни бажармажагъын англап, акъча да берип, эки таныш адамгъа тилеген. Олар алданокъ сёйлешинген гюн эр-къатынны уьюне гелген ва эргишини аркъан булан бувуп оьлтюргенлер.

Жинаятчылар Къызларда, къатынгиши Аштарханда тутулгъан. Суд оланы гьарисин 10 ва 12 йылгъа эркинликден магьрюм этмек деген къарарны чыгъаргъан. Туснакъ болжалын къатты низамы булангъы колонияда оьтгережек.

 

Алав АЛИЕВ.

 

Авторизация
*
*
Регистрация
*
*
*
Согласны с условиями сайта?
Генерация пароля