Гьар йыл апрель айны 7-синде Бютюндюнья савлукъну гюню деп белгилене. Шо гюнге байлавлу болуп апрель айны 3-нден 9-у болгъанча савлукълу яшав учунгъу (ЗОЖ) жумалыкъ оьтгериле. ЗОЖ – адам оьзюн не къадар сав кюйде юрютмеге бола деген маънаны бере. Инсанлар тюз къайдада оьзлени къаркъарасыны гьайын этсе, савлугъуна зараллы аврувлардан сакъланма бола. Шону учун ашайгъан ашына тергев бермеге тюше. Не затны ашамагъа ярай, нени ярамайгъанны билмеге тарыкъ.

Сонг да, сигарет тартыв, эсиртеген ичкилер савлугъуна кёп уллу зиян гелтирегенни англамагъа тюше. Шо агъуланы гери урмагъа тарыкъ. Болгъан чакъы таза гьавада юрюмеге, упражнениелер этмеге, спорт булан машгъул болмагъа герек. Психика савлукъгъа да агьамият бермеге де унутмагъыз.

Тюзю, гьар йыл савлукълу яшав учун деп къасткъылагъанланы сыдыралары аста-аста булан толумлаша бара. Неге тюгюл, адамлар узакъ яшавдан узакъ йыллар ругьланмагъа сюелер. Яшланы да гиччинев заманындан оьзлени савлугъуна къулакъасагъан кюйде тарбияламагъа, уьйретмеге тарыкъ.

Ондан къайры, Бютюндюнья савлукъну гюнюне байлавлу савлай гьукуматыбызда апрелни 5-ден 7-сине ерли «Будь уверен! Будь здоров!» деген бютюнроссия гьаракат оьтгериле. Бу гьаракатны мурады –гьукуматыбызны жамиятын гьарибизни яшавубузда тарыкълы болагъан бирликдеги оьлчевлеге тергевюн бакъдырмакъ. Мисал учун, гьар кимни ожагъында адамланы савлугъуну гьалын, давлениесин оьлчейген тонометр бар. Шо янын гёз алгъа тутуп, бу пайдалы гьаракатны дазуларында Росстандартны касбучулары гьар кимни тонометрларыны гьалын тергемеге ватандашланы къабул этежеклер. Шону натижасында касбучулар тонометрланы гёрсетивлерине байлавлу ойларын айтажакъдан къайры, шоланы кемчиликлерин тюзлемек учун оьзлени насигьатларын да бережеклер. Неге тюгюл, 2018-нчи йылдан берли юрюлеген бу гьаракатны вакътисинде 60 мингден де артыкъ аппаратны тергевден чыгъаргъанлар. Шоланы 10 процентини тонометрланы чыгъаргъанланы янындан техника тетиклер къутгъарылгъаны ачыкъ этилинген.