Алдагъы гюнлерде окъ-жая атагъанланы арасында «Таргъутавну окълары –2019» деген турнир оьтгерилди. Таргъутавну башында юрюлген шо турнирде бизин республиканы кёбюсю юртларындан ва шагьарларындан гелгенлер ортакъчылыкъ этди.
Окъ-жая атагъанланы «Чилле ёл» деген республика федерациясыны ёлбашчысы Жанболат Магьтибеков бизге билдиргени йимик, шо ярышларда, умуми кюйде алгъанда, 60-дан да артыкъ спортчу бир-бири булан тогъатартды. Гьар заманда йимик, бизин республиканы районларында иш гёреген окъ-жая атагъанланы клубларыны вакиллери турнирни вакътисинде юрюлген сынавларда оьзлени айрыча усталыгъын гёрсетмеге бажарды. Шоланы 7-вю алдынлыкъ алды.
Ачыкълашдырып айтгъанда, Абдула Гьасанов, Рашит Магьамматов, Микайыл Омаров, Садрутдин Сиражутдинов, Мугьаммат Омаров, Исламали Гьажиев, Магьамматкъасум Иманалиев биринчи ерлеге лайыкълы болду. Оьтгерилген шо ярышларда «Каттум», «Ансары», «АсСафра», «Лучник», «Солтанянгыюрт», «Огненная стрела», «Ассалам», «Къувват» деген окъ-жая атагъанланы клубларына къуршалгъан спортчулар айрыча гьюнер гёрсетгенин эсгермеге тюше.
