Алдагъы гюнлерде Москвада спортну ушу-саньда журасында яшёрюмлени арасында Россияны чемпионаты оьтгерилди. Шо ярышларда Дагъыстанны жыйым командасына къуршалгъан Башлыгент юртну (Къаягент район) орта школасыны 9-нчу класында охуй­гъан Элдерхан Амирарсланов да ортакъчылыкъ этген.

Эки гюнню уза­гъында юрюлген ярышланы натижасында яш спорт­смен биринчи ерге ес болгъан. Шо – уллу уьстюнлюк. Шогъар етишмек учун Элдерхан халчагъа уьч керен чыкъгъан ва гьар тогъатартывну бирев де шекленмесдей утгъан. Огъар утдургъанланы арасында Краснодар крайны, Ростов ва Волгоград шагьарланы чемпионлары да бар.
Яш спортчуну ва ону тренери Элбрус Амирарслановну янгы уллу уьстюнлюгю булан къутлайбыз!