Къумукъ театрда Дагъыстан Республиканы милли политикагъа ва дин ишлерине къарайгъан министерлигини сиптечилиги булан оьтгерилген «Брейн-ринг» деген интеллектуал оюнда республиканы оьр охув ожакъларындан гелген 7 команда ортакъчылыкъ этген.
Оюнлар башлангъынча жыйылгъанланы алдына чыгъып министр Энрик Муслимов: «Конкурсну гьасиллери гьар команданы ортакъчыларыны билимлеринден гьасил болажакъ», – деп билдирген ва гьарисине уьстюнлюклер ёрагъан.
Бу оюнларда алдынлы ерлени алмакъ учун уьлкени пачалыкъ къурулушун, пачалыкъны аслу конституция принциплерин, тарихни ва маданиятны мекенли билме тарыкъ болгъан.
Биринчи ерни Дагъыстан пачалыкъ университетни командасы алгъан. Экинчи ер Башларовну атындагъы илму-клиника центрындан гелген яшлагъа берилген. Уьчюнчю ерге де Россияны правовой академиясыны командасы ес болгъан.
Конкурсну аслу мурады, озокъда, элни яхшы таныгъан чакъы, жагьил наслуда патриот ругь да гётерилежек деген пикруну тувулунуву булан байлавлу.
