Ярышларда 55 кило авурлукъда финалда хасавюртлу Бобохан Вагьитовну бизин якълы Муслим Садулаев булангъы ёлугъуву къаравчуланы тергевюн тартды. Эки де кочап халчада яхшы техника гёрсетип ябушдулар. Ёлугъувну Бобохан Вагьитов утуп, биринчи ерге ес болду. Хасавюртлу Имамудин Абдулпатагьов 50 кило авурлукъда финалда магьачкъалалы Магьамматали Нурудингьажиевни утуп чемпион болду.
Къаягент райондан къумукъ улан Даниял Маликов 84 кило авурлукъда уьчюнчю савгъатны къазанды.
– Хасавюртгъа Россияны бары да регионларындан гючлю яш кочаплар гелип ортакъчылыкъ этдилер. Сегиз федерал округну чемпионатларында савгъатлы ерлени къазангъан кочаплар уьч гюнню узагъында спорткъалада къаравчуланы оьзлени арив техникасын гёрсетип сююндюрдю. Ярышларда биринчи ерлени алгъанланы биз Россияны жыйым командасына къошажакъбыз, – деди яшланы жыйым командасыны баш тренери А.Попов.
Россияны чемпионлары болгъанлар кёбюсю Магьачкъаладагъы Гьамит Гьамитовну атындагъы спорт школадан.
Оьзлени авурлугъуна гёре биринчи ерни алгъанланы арасында И. Абдулпатагьов, Б.Вагьитов, Гь. Рашитов, М.Магьамматов, О. Нажмутдинов, М.Хаев, Р.Садулаев, М.Къапланов бар.
Суратда: ярышлардан гёрюнюш.
Автор чыгъаргъан сурат.
Къаягент райондан къумукъ улан Даниял Маликов 84 кило авурлукъда уьчюнчю савгъатны къазанды.
– Хасавюртгъа Россияны бары да регионларындан гючлю яш кочаплар гелип ортакъчылыкъ этдилер. Сегиз федерал округну чемпионатларында савгъатлы ерлени къазангъан кочаплар уьч гюнню узагъында спорткъалада къаравчуланы оьзлени арив техникасын гёрсетип сююндюрдю. Ярышларда биринчи ерлени алгъанланы биз Россияны жыйым командасына къошажакъбыз, – деди яшланы жыйым командасыны баш тренери А.Попов.
Россияны чемпионлары болгъанлар кёбюсю Магьачкъаладагъы Гьамит Гьамитовну атындагъы спорт школадан.
Оьзлени авурлугъуна гёре биринчи ерни алгъанланы арасында И. Абдулпатагьов, Б.Вагьитов, Гь. Рашитов, М.Магьамматов, О. Нажмутдинов, М.Хаев, Р.Садулаев, М.Къапланов бар.
Суратда: ярышлардан гёрюнюш.
Автор чыгъаргъан сурат.
