Москва шагьарда ерлешген инчесаниятны ябушув центрында (русча-в центре боевых искусств) «ЯМАКАСИНИ КУБОГУ» деген ат булан бютюнроссия ярышлары оьтгерилди. Спортну кёкусин-кан каратэ журасындан 20-дан да къолай региондан гелген 700 спортчу тогъа тартды. Бу бизин оьзюню гьакъындан лакъыр юрютеген ярышларда 12-17 йыллыкъ чагъындагъы яш каратистлер гючюн сынады. Чинкдеси, Къызылюрт шагьарда ерлешген 1-нчи номерли спорт школасыны тарбиявчуларыны чыгъышы...

Маданият министерлиги билдирген кюйде, Буйнакск районну Атланавул юртундагъы инчесаният школасы ярашдырылып, янгы охув йылны башланывуна пайдаландырывгъа берилежек. Шо ишлер «Культура» деген милли проектни оьлчевюнде юрюле. Бу охув ожакъда 168 яш гьар тюрлю саниятлагъа ес бола. Шоланы кёплери школаны музыка бёлюгюнде билимлер ала. Фортопианону, баянны, агъачкъомузну сокъма муштарлы. Охувчулардан алтмыш яш бийивлени инче сырларына тюшюне. 74...

Россия Федерацияны Президентини Темиркъазыкъ-Кавказ федерал округдагъы толу ихтиярлы вакилини заместители Максим Владимиров Дагъыстан Республиканы Гьукуматында генгеш оьтгерген. Онда Россия Федерацияны Президенти Владимир Путинни указларыны яшавгъа чыгъарылывуну масъалаларына къаралгъан. Арагъа салынгъан масъаланы арасында регион программалагъа гёре: кёп къабатлы уьйлени ремонт этив ва «Савлукъ сакълав» деген милли проектни кютюлювюне багъышлангъанлары да болгъан. Максим Владимиров оьзюню сёйлевюнде федерал...

Дагъыстан Республиканы Халкъ Жыйыныны савлукъ, загьмат, яшавлукъ политика булан байлавлу масъалалагъа къарайгъан комитетини председатели Ильяс Мамаев Буйнакскиге гелип ватандашланы къабул этди. Шонда алданокъ язылып гелген ёлдашлар оьзлени къыйынларын айтып сёйледилер. Оланы арасында алдынъерли газетни редакциясында ишлеген, гьали Украина къалмагъалында яраланып къайтгъан Изамутдин Гьажиев де бар эди. Ефрейтор Гьажиевни эки де аягъына 8 керен операция этилген....

Артдагъы гюнлени ичинде ата-аналар яшларына къызамукъдан, полиомиелитден вакцина этдирмеге сюймейгенликге, шону гери урагъангъа байлавлу эришивлер, разисизликлер юрюлюп тура демеге ярай. Шо масъалагъа байлавлу болуп алдагъы гюн «Дагестанская правда» газетни редакциясында Дагъыстанны савлукъ сакълав министри Татьяна Беляева ва республиканы Роспотребнадзор къурумуну ёлбашчысы Залимхан Омариев журналистлер булан прес-конференция оьтгерди. З. Омариев прес-конференцияны башында эсгерген кюйде, респуб-ликабызда гьар...

Алдындагъы гюн, 12-нчи апрелде, Дагъыстанны Гьукуматыны Председатели Абдулмуслим Абдулмуслимов республиканы школала-рына янгы автобуслар берилеген шатлы жыйында ортакъчылыкъ этген. – Бизин охувчу яшларыбызны гюню школагъа барагъан автобусдан башлана, – дей А.Абдулмуслимов. – Автобусланы онгайлыгъындан ва гьалындан яшланы гёнгю де, охуву да гьасил бола деп айтма ярай. Гетген йылны ахырында Дагъыстангъа школалар учун 55 автобус гелди. Бу...

Дербент районну Белижи юртунда дос-къардаш жыйылып, ­оьзлени тухумуна байлавлу белгили агьвалатны къаршылай болгъан. Уллулар шайлы кепленгенде, юртну башгъа ягъында турагъан палан адамны шатлы мажлисге чакъырмаса ярамай деп токъташгъан ва шону алып гелтирмеге, неге буса да, 17 йыллыкъ къызъяшгъа тапшургъанлар. Машинни юрютювде сынаву ёкъ яш тиштайпа «Лада Приораны» бек чалт гьайдап, ёл ягъада токътагъан уьч къатынгишини...

Россияны Ахтарыв комитетини Тамбов област ахтарыв управлениеси 45 йыллыкъ дагъыстанлыгъа къаршы уголовный иш ачгъан. Ерли ахтарывчулар токъташдырагъан кюйде, ол 22 тон каманы урлагъан деп айыплана. Судгъа бакъдырылгъан материаллагъа гёре, Къыргъызстандагъы ­онгача къурум Тамбов областны Кирсанов деген гиччи шагьарында ерлешген завод булан ды­гъар байлап, шо оьлчевдеги каманы сатып алмагъа токъташгъан. Интернетде ерлешдирилген маълуматдан пайдаланып, дагъыстанлы шо...

11-нчи апрелде Къарабадагъгентдеги «Юлдуз» деген яшлар бавунда гиччипавланы ортакъчылыгъы булан «Космосгъа сапар» деген Косманавтиканы гюнюне багъышлангъан ачыкъ дарс оьтгерилди. Тарбиялавчу Элмира Абдуллаева яшлагъа олар англайгъан кюйде космос не экенни, кёкге учгъанланы, башгъа дюньяланы гьакъында айтды. Биринчи космосгъа бизин уьлкебизден Юрий Гагарин учгъанны гьакъында да хабарлады. Яшлар космосгъа учувну гёрюнюшлер этип гёрсетдилер, телевизордан космону гьакъындагъы англатыв...

Апрель айны 10-нда, итнигюн, «Дагъыстан» маълумат агентлигинде Магьачкъала шагьарны мэри Ризван Газимагьамматов ва Магьачкъаланы вонкому Геннадий Къурбанов журналистлер булан ёлугъув оьтгерди. Ёлугъувда бу йыл асгерге чакъырыв нечик оьтгерилегенни гьакъында сёз юрюлдю. Магьачкъала шагьарны администрациясыны башчысы ва шагьарны асгер комиссары журналистлени соравларына да тындырыкълы жаваплар берди. Дагъыстанны асгер комиссары Дайитбек Мустафаев де бираз алда бу ёрукъда...