Гьисаплар

   

Пятница, 20.04.2018г. — «ЁЛДАШ».


Тынч тюгюл эди магъа


Санавлардан баш алма.


Тюз санап уьйренгенмен


Гьисаплар чече къалма.


 

3+1=



Ойнап турду орамда


Мурат, Марат ва Агьмат.


Уьйден чыгъып олагъа


Къошулду артда Рагьмат.


Топ ойнап, бу уланлар


Оьчешип атды сонг таш.


Ким айтажакъ, орамда


Ойнай гьали нече яш?


 

5 — 3=



Беш алажымчыкъ къонду


Бавдагъы бир терекге.


Нече къала уьчюсю


Учуп тайса арекге?


 

5-2=



Вазипатны къолунда


Беш алма къызыл-ала.


Экисин магъа берсе,


Оьзюне нече къала?


 

5+1=



Оьзенге къармакъ ташлап,


Керим яшланы утгъан:


Беш яйын, кирпи балыкъ.


Яшлар, айтыгъыз гьали


Ол нече балыкъ тутгъан?


 

6+1=



Гьавчудан уьлкю тюпде


Алты къоян яшынгъан.


Бирдагъы бири гелип,


Аркъасына хашынгъан.


Шоланы сен санап ал


Гьавчу къойгъунча табып.


Ким тутма бола гьызын


Къоянлар гетсе чабып?!


 

5+5=



Къойлагъа сен бетде бакъ –


Беш ана, беш баласы.


Бары да нече болур


Къара булан аласы?


 

10 +10=



Эки он манат берген


Экмек алмагъа Абай.


Къолунда нечакъы бар


Айтмагъа болмай Зубай.


Алып ону бокъчасын


Оьзюнг сана акъчасын.


 

8:2=



Базардан сатып алдым


Сегиз къолгъап мен къышгъа.


Нече яш гийип чыгъар


Шоланы уьйден тышгъа?


 

8:2=



Он тюгюл, сегиз бала


Чыгъаргъан дей эки къаз.


Гьар къазгъа нече тие?


Айт, сен ойлашып бираз.


 

3+5=; 10-8=



Кирпи бавда олтуруп,


Жыйгъан алмасын санай.


Башчыгъармагъа огъар


Кёмек этсене, Анай:


Уьч алма терек тюпде,


Бешисин салгъан къапгъа.


Бары да он болгъан сонг


Нече алманы тюше


Тапмагъа Инетопгъа?   


   

Авторизация
*
*
Регистрация
*
*
*
Согласны с условиями сайта?
Генерация пароля