Буйнакск районну муаллимлери бугюн коронавирусгъа къаршы вакцина этдиргенлер. Районну пресс къуллугъунда билдирген кюйде, районгъан юз доза вакцина гелген. Врачланы вакцина этидирмеге этген чакъырывуна районну школаларыны муаллимлери сесленгенлер.

Вакцинаны къоллагъанча алдын муаллимлени савлугъуну гьалы ахтарылгъан, къаны ва оьпкелери тергелген, тамагъына къаралгъан. Тергевлерден оьтгенлеге вакцина этилген.

Район больницада вакцинаны сакъламакъ учун да онгайлыкълар болдурулгъан. Бир шиша вакцина 5 адамгъа болагъангъа гёре, шо гьар гюн беш адамгъа этилежек.
Билдирелеген кюйде, муаллимлени арты булан медицина къуллукъчулар оьзлер де вакцина этдирмеге гьазирлигин билдиргенлер.