Артдагъы вакътиде Буйнакск районну орта билим береген охув ожакъларыны охувчулары гьар тюрлю дарслардан юрюлеген Бютюнроссия олимпиаданы регион бёлюгюнде жагь кюйде ортакъ-чылыкъ этелер. Эсгерилген олимпиаданы бёлюклеринде билим ягъындан олар гёрсетип турагъан натижалар да къувандыра.
Шолай, алдагъы гюнлер белгили болгъаны йимик яшавну аманлыгъыны кюрчюлери (ОБЖ) дарсдан эки гюнню боюнда юрюлген олимпиадада ортакъчылыкъ этген Эрпели орта школаны 11-нчи класыны охувчусу Абдулгьани Юсупов савгъатлы ерге ес болгъан. Абдулгьани – оьзге дарсланы да яхшы билеген, гьаракат этип охуйгъан терен англаву бар улан. Ол оьтгерилип турагъан шу олимпиаданы география ва технология бёлюклеринде де ортакъчылыкъ этген, савгъатлы ерлер де алгъан.
Абдулгьани Юсуповну уьстюнлюгюнде ону насигьатчысы ва муаллими Хочай Устархановну да лайыкълы къошуму бар.
Казим КЪАГЬРУМАН.
СУРАТДА: А. Юсупов – насигьатчысы Х. Устарханов булан.
