Янгы охув йылны биринчи гюнюнде Хумторкъали районну Шавхалянгыюрт орта школасында бирдагъы бир агьвалат болгъан. Бу школаны охуп битдирген ва оьзюню интернационал борчун Афгъанистанда кюте туруп жан берген Алхан Къапаровну эсделигин даимлешдирмек учун, школаны тамына ону аты язылгъан эсделик такъта салынгъан. Муаллимлени коллективи гележекде школагъа ону атын такъмагъа да умутлу ва тийишли документлер гьазирлеме башлагъан.
Шо гюн А.Къапаровну дос-къардашы да чакъырылып школагъа гелген. Охувчу яшлар ва муаллимлер булан ёлугъув оьтгерген, Алханны гьакъында сагъынч гьислер булан, бирлери чи тарлыгъып да хабарлагъан.
Бу ёлугъув айрокъда охувчу яшлагъа да бек таъсир этген. Оланы патриот ругьда тарбиялавгъа уллу къошум болгъан. Оьсюп гелеген яш наслу юртундан чыкъгъан шулай къоччакъ уланланы таныма ва эсде сакълама гереги белгили. Школаны коллективи де булай таъсирли ёлугъувну оьтгерип инсаплы ишлеге къуллукъ этегени сююндюре.
А. РАСУЛОВА.
СУРАТДА: А.Къапаровну
къардашлары школаны
алдында.
