Школаны сююнчю

Школаны сююнчю


     Оьтемишдеги орта школада буссагьатгъы вакътиде 165 яш охуй. Бинасы – эки къабат уьй, таш керпичден ишленген. 2008-нчи йылда бу школа «Россияны школаларыны конкурсунда» алдынлыланы арасына гирген.

 

Кёп йыллар юртлу яшлар булан ишлеген дарс беривчю Умугьан Арсланова – Дагъыс­танны халкъ учители ва Да­гъыс­тан Республиканы ат къа­зангъан учители. Буссагьат иш­лейгенлерден Кумсият Абдуллаева, школаны завучу ва къумукъ тил ва адабият дарслар береген Элмира Исаева да – Дагъыстанны ат къазангъан учителлери.


1985-нчи йылдан берли, 40 йылгъа ювукъ, школагъа оьр даражалы касбучу Магьаммат Магьамматов ёлбашчылыкъ этген. Школаны кёп экспонатлар жыйылгъан музей уью де бар. О да муаллим Зайнарбек Зайнарбековну гьаракаты булан къурулгъан.


Школагъа гирип, директор Зумрут Сайитова булан ишини гьакъында лакъыр этебиз. Сююнчю – 2 миллион 600 минг манат къазангъан. Эшиклени, терезелени алышдырдыкъ, «150» школа деген программагъа къо­шулма насип болду, дей.


Учителлер етишеми, миллион манат къазанма ачылгъан имканлыкъдан пайдаланагъанлар бармы деп со­­райман. Бар, дей директор. Ат­ларын айта.


Охума гелеген яшлар неге аз экенин де англата туруп, Зумрут Османовна жагьиллени кёплери ишлеме деп Тюмен бойлагъа чыгъып гетегенин англатды. Школаны спортзалы ёкъ. Шо буса – бек тарыкълы. Райондан кёмек де етишмей.