Янгъан ерден тютюн чыгъар.

Ёлдашы ёлда танылар.

Ач тавукъ юхуда тари гёрер.

Бири от-ялын буса, бири сув болур.

Бавда емиш бишгенде, бавчу сангыракъ болур.

Хабагъан ит тишлерин гёрсетмес.

Къалам къылычдан иттидир.

Мишик болмагъан ерде чычкъанлар гьавгъа чыгъар.

Байны малы, ярлыны яшлары кёп болур.

Уланын уьйлендирмегенни сакъалы тез агъарар.

Борч болгъан ерде дослукъ бузулар.

Чиш берген чишлик де берер.

Игитлеге оьлмек бар, дёнмек ёкъ.

Бёрюден къоркъгъан къой сакъламас.

Болгъанда – къат-къат, болмагъанда – ач ят.

Йыракъ ерни арпасындан, ювукъ ерни саламы яхшыдыр.

Яхшыгъа янаш, ямандан узакълаш.

Ялгъанны ахыры ёкъдур.

Оьз-оьзюнгню макътама, къой, эл сени макътасын.

Эр-къатынны урушу – язбаш гюнню янгуру.

Эшитгенинге инанма,гёргенинге инан.

Дос къыйынлы гюн танылар.

Айда-йылда – бир намаз, ону да  шайтан къоймас.

Базарда къумач-без учуз деп, адам оьзюн оьлтюрмес.

Бири ишлей, онусу тишлей.

Талайсызны арбаны уьстюнде де ит хабар.

Яйда ишле, къышда тишле.

Ала къаргъа сувгъа тюшер, тек къаз болмас.

Тама-тама кёл болур, гьеч таммаса, чёл  болур.

Дос ёлунда боран болур, къар болур.

Девлетлини хоразы да йымырткъа къозлар.

Бир гиши де оьз ишине терс демес.

Гьариси бир тюк берсе, хожа сакъаллы болур.

 

 

 

Гьазирлеген

 П. Гьайбуллаева.