Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Наркотиклени яягъанланы арасында къызъяшлар да бар

Наркотиклени яягъанланы арасында къызъяшлар да бар

Оьсюп гелеген жагьиллер терс ёлгъа тюшмесин учун, биринчилей, ата-ананы, экинчилей де, жамиятны алдында таймайгъан масъала – тарбия масъаласы. Тарбия масъалаланы арасында бугюнлерде бизин алдыбыздан тайдырма ярамайгъан бек уллу къоркъунчлукъ наркомания тувдура. Биз шо наркомания уллу къоркъунчлукъ экенни оьсюп гелеген яшлагъа англатма герекбиз. Наркотиклени яйылывуну алдын алагъан къуллугъуну къуллукъчулары шо масъаланы артдагъы йыллар кёп гётере, ата-ананы янындан кёмек гёзлей. Неге тюгюл, гьар гюн сайын наркотиклени къоллайгъан, шо яман аврувгъа тарыйгъан жагьил яшланы санаву арта.

Наркотик булан машгъул жагьиллени оьмюрю 30 йылгъа да чыкъмай. Россия Федерациядан гелеген маълуматлагъа гёре яшлар аврума 8–9 йыллыкъ чагъындан башлай.

Россия Федерацияны савлукъ сакълав министерлигинде ишлейген касбучулар яшлар тувумундан аврума башлай деп билдире.

Бугюн къолланагъан наркотиклер синтетика-химия составына гёре бек гючлюлеринден санала. Бир наркоман 16 сав адамны оьзюне тарта. Тек 16 сав адам бир адамны токътатма болмай. Наркотиклени яйылыву, о аврувдан авруйгъан адамланы санаву кёп болгъан сайын, оьлеген адамланы санаву да баргъан сайын арта. 

Насвай деген препаратны къоллайгъан яшланы санаву гюн сайын арта. Насвай тамакюню чангына жанланы яраву, тюени тезеги къошулуп этиле. Шо препаратны адамлар тилини тюбюне сала яда эринлерине ала. Шо саялы шо препаратны къоллайгъанлар югъагъан аврувлардан кёп авруй. Орта Азияны онкология аврувлагъа къарайгъан врачлары айтагъангъа гёре, онкология аврувланы кёбюсюню авзуну ичи авруй. Неге тюгюл, шо аврувлар шо насвай препаратны къоллай. Наркоманланы санаву артгъан сайын, жинаятчыланы да санаву арта.

Аслу жинаятчылар – наркотиклени этеген, адамланы арасында яягъан, сатагъан ва шоланы башын тутгъан адамлар. Шо жинаятчыланы арасына къатынгишилер, къызъяшлар да къуршалгъан.

Шу гьал – бугюнгю яшавну инг аслу масъаласы. Бу масъаланы чечмеге янгыз наркотиклени тергейген идаралагъа тынч тюгюл. Шо ябушувгъа бютюн халкъ къуршалма тарыкъ, неге тюгюл шулай къалса, халкъны бир гележеги де ёкъ. 5–6 йылдан гьар ожакъда бир наркоман болмакъ бар.

Оьзюгюзню яшларыгъызгъа, айлана яныгъыздагъы яшлагъа, дос-къардаш, авул-хоншудагъы оьсюп гелеген наслугъа англатыв иш юрютюгюз! Яшлар не булан машгъул болагъанына, къырда, орамда, школада нечик яшлар булан ойнайгъанына, не иш юрютегенине тергев этигиз. Гиччиден тутуп яшланы оьзюгюзню тергевюгюзню тюбюнден  тайдырмагъыз!

 

 

 

Хасайбат ВАЛИЕВА,

Дагъыстандагъы наркотиклени яйылывун тергейген къуллугъуну къуллукъчусу, полицияны полковниги.

Количество показов: 401
05.12.2014 16:13

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта