Дагъыстанлы улан Аслан Гьажиагъаев Къыбла Америкадагъы лап бийик Аконкагуа деген тавну башына чыкъгъан. Шону бийиклиги 6962 метр бар. Аргентина уьлкесиндеги бу тав дюньяда оту сёнген лап бийик янар тав (вулкан) деп гьисап этиле.
Мундан алда А.Гьажиагъаев Африкадагъы лап уллу деп саналагъан бийикликге, демек, Килиманджаро деген янар тавну башына да чыкъгъан болгъан, Эльбрусгъа да гётерилген. Оьзюню бу гьюнерлерин оьзю кёп сюеген «Анжи» деген футбол клубгъа багъышлай. Ол гьар заман гётерилегенде оьзю булан тав башлагъа «Анжини» зарбусу салынгъан байракъны ва топну алып чыгъа.
Тюзю, буссагьат «Анжини» турнир таблицада токъташгъан кюю шайлы чы тюгюл. О энни 2-нчи дивизиондан да таймагъа аз къалып тура.
М. СЕЛИМОВ.
