Эгер язда да, къышда да гьаваны температурасы къаравулланагъан кююнде тура буса, гюзде бирден ону гьалы тюрленип къала. Айтагъаныкъ, я исси, яда сувукъ бола. Шо буса адамны савлугъуна бек таъсир эте. Ондан къайры да, гюнлерибизни узакълыгъы алышынып, гюнню шавлалары тийишли даражада етишмей. Шолар барысы да, адамны гёнгюлсюз этип, бек онгайсыз натижалагъа гелтире.
Гюзде янгурлу чакъ болагъаны белгили. Шо саялы, адамны къантамурлары къысылып, ашагъан ашы санларына ерине етишип сингмей. Шондан айрокъда юрек тамурлары, ашкъазаны, ичеклери авруйгъанлар, психикасы бузулгъанлар бек гьасси бола. Уллу чагъындагъыланы тыныш алагъан санларына, бувунларына къатнагъан аврувлар бек оьрчюкме башлай.
Врачлар гюзню гюнлеринде адамланы нервалары сабур болсун учун валериан деген дарманны къоллама таклиф эте. Шо сизин юхугъузну да ёрукълашдырып, башыгъызны къуршагъан пашман ойлардан арчып, ял болмагъа кёмек этежек. Болгъан чакъы сари ябушгъанны, жыгъананы (облепиха) ашамагъа тюше. Ону янчып, шекерге булгъаса пайдалы. Шондан гьар гюн эки чайкъашыкъны алып ашамагъа герек. Шо сизин къаркъарагъызгъа сав гюнге болагъан витаминлер булан таъмин эте.
Эгер де ашкъазаныгъыздагъы ярагъыз (язва) парахат къоймай гьакий буса, чайкъашыкъны учуна бираз аш соданы алып, шону бир стакан сютге къошуп, булгъап ичсегиз, аврувугъузну енгежек. Гюзде, язбашда бувунларыгъыз къыйнай буса, В витаминни ва кальцийни ичмек пайдалы.
Савлугъугъузгъа зарал гелтирмейген кюйде яшамагъа къарасагъыз, къалгъан яны амалгъа гележек. Айтагъаныкъ, докторланы ёравларына гёре, ишни де, ял алывну да ёрукълу кюйде юрютмеге тарыкъ. Таза гьавада тыныш алып, чакъ-чакъда айланыш, юрюш булан турмакъны да маънасы бар. Чакъгъа гёре гийинмеге де унутмагъыз.
Гюзде янгурлу чакъ болагъаны белгили. Шо саялы, адамны къантамурлары къысылып, ашагъан ашы санларына ерине етишип сингмей. Шондан айрокъда юрек тамурлары, ашкъазаны, ичеклери авруйгъанлар, психикасы бузулгъанлар бек гьасси бола. Уллу чагъындагъыланы тыныш алагъан санларына, бувунларына къатнагъан аврувлар бек оьрчюкме башлай.
Врачлар гюзню гюнлеринде адамланы нервалары сабур болсун учун валериан деген дарманны къоллама таклиф эте. Шо сизин юхугъузну да ёрукълашдырып, башыгъызны къуршагъан пашман ойлардан арчып, ял болмагъа кёмек этежек. Болгъан чакъы сари ябушгъанны, жыгъананы (облепиха) ашамагъа тюше. Ону янчып, шекерге булгъаса пайдалы. Шондан гьар гюн эки чайкъашыкъны алып ашамагъа герек. Шо сизин къаркъарагъызгъа сав гюнге болагъан витаминлер булан таъмин эте.
Эгер де ашкъазаныгъыздагъы ярагъыз (язва) парахат къоймай гьакий буса, чайкъашыкъны учуна бираз аш соданы алып, шону бир стакан сютге къошуп, булгъап ичсегиз, аврувугъузну енгежек. Гюзде, язбашда бувунларыгъыз къыйнай буса, В витаминни ва кальцийни ичмек пайдалы.
Савлугъугъузгъа зарал гелтирмейген кюйде яшамагъа къарасагъыз, къалгъан яны амалгъа гележек. Айтагъаныкъ, докторланы ёравларына гёре, ишни де, ял алывну да ёрукълу кюйде юрютмеге тарыкъ. Таза гьавада тыныш алып, чакъ-чакъда айланыш, юрюш булан турмакъны да маънасы бар. Чакъгъа гёре гийинмеге де унутмагъыз.
