Ноябр айны 9-нда, гече сагьат 10-гъа юрюп, Шамил районну Заната юртуну башчысы Гьажи Гьажиев машини булан Хебдадан ата юртуна къайтып гелегенде, ёл ягъадан огъар автомат булан атышгъанлар.
Эки гюлле мишинге тийген, оьзю Гь.Гьажиев заралланмагъан. Полицейскийлер алгъасавлу чараланы гёрюп, жинаятчыланы тутгъан. Чапгъынны гьазирлеген деп айыпланагъан Сайит Шапиев ва атышывну юрютген Агьмат Абасов (Росгвардияны къуллукъчусу) эки айгъа эркинликден магьрюм этилген.
Юртну башчысы англатгъан кюйде, бир нече ай алъякъда ону С.Шапиев булан эришивю болгъан, гьатта ябушгъанлар. Тек гечге таба бир-бирини къолларын да алып ярашгъанлар. Сайитни атасы юртну ихтиярындагъы 1 гектар ерни законсуз кюйде елеп, шонда ферма къургъан. Юрт шо топуракъ учун налог тёлей, шо саялы Гь.Гьажиев топуракъны къайтармакъны талап этген. Шондан сонг Шапиевлени агьлюсю огъар къоркъувлар бермеге башлагъан, бираз алда машинини ал шишасын сындыргъан болгъан.
Ахтарывлар узатылып тура.
Алав АЛИЕВ.
