Гетген жумада Хумторкъали районну администрациясыны башчысы Айнутдин Зиявутдинов Дагъыстанны маданият министрини биринчи заместители Мухтар Къурбанов булан бирге Уьчгентдеги ва Шавхалянгыюртдагъы маданият ожакъларыны-биналарыны яраш-дырыв ишлерини барышына багьа берди.
Уьчгентдеги маданият къаланы ярашдырыв ишлерин юрютеген къурумну ёлбашчысы айтагъан кюйде, бинаны ал тамыны ишлери 60 процентге ярашдырылып битген. Бинаны ичинде этилеген: ток теллени тартыв, тамларын сылав ва башгъа тюрлю ишлери толу кюйде тамамлангъан. Маданият къаласыны ярашдырыв ишлеринде 30 ишчи загьмат тёге ва йылны ахыры болгъунча этилип битежек.
“Этеген ишигизге гьар заман ватандашланы гёзюнден къарамагъа герек. Олар сизин загьматгъа тюз багьа бережек. Ярты этилген ишлени тез табажакъ. Адамлагъа онгайлы болсун учун, этеген ишигизни адамлар багьана тапмайгъан кюйде кютмеге тюше,” — деди А. Зиявутдинов, бинаны ярашдырыв ишлерин юрютеген къурувчулагъа оьзюню таклифлерин бере туруп.
А. Зиявутдинов ва М. Къурбанов Шавхал- янгыюртда-гъы 30 йылланы узагъында къаравсуз ташланып къалгъан маданиятял алыв центрыны бинасында этилип турагъан ишлеге де къарап чыкъды. Район администрация маданият къаласыны ярашдырыв ишлерине акъча-харжны муниципал ва республика бюджетлерден алмагъа амал этген. Къурувчулар бинаны ярашдырыв ишлерин йылны ахыры болгъунча тамамламагъа сёз берген.
Жават ЗАКАВОВ.
