Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.news"Времена"В ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018БлогосфераАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...МаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Магьачкъала байрам гюнню къаршылай


Байрамны шо гюнге рас гелегени алдынгъы 7-нчи ноябр булан байлавлу. Шо гюн халкъланы эсинде Октябр инкъылапны гюню гьисапда къалгъан. 4-нчю ноябрни байрам гюн гьисапда белгилемек деген ойну 2004-нчю йылда Россияны динара совети берген. Шо ойну РФ-ни Пачалыкъ Думасыны политикагъа, загьматгъа, социал яшавгъа къарайгъан комитети якълагъан ва ону сиптечилиги болуп арагъа да чыкъгъан.

2004-нчю йылда Москваны ва бары да Россияны патриархы Алексий Пачалыкъ Думаны шо сиптечилигин 4-нчю ноябр байрам гюн гьисапда арив гёрген. «Шо гюн 1612-нчи йылда Россияда башгъа-башгъа динлеге инанагъанлар, башгъа-башгъа миллетлер гючлю душмандан уьст гелгенлер ва Россияда ватандаш парахатлыкъны токъташдыргъанлар», – деп билдирген патриарх Алексий.

 

Эсги йыл рузнама булан 22-нчи октябрде, янгы рузнама булан 1-нчи ноябрде, 1612-нчи йылда Козьма Мининни ва Дмитрий Пожарскийни башчылыгъы булан Китай шагьарны къолгъа алгъанда, Москваны елеген Речи-Посполитойну гарнизону къачгъан. Шо уьстюнлюкге байлавлу болуп князь Пожарский Китай шагьаргъа къолунда Божья Матерь иконасы булан гирген ва шо уьстюнлюкню даимлешдирмек учун Уьстюнлюкню килисасын къурма ант этген. Октябр айны 26-сында, янгы стиль булан 8-нчи ноябрде, поляклар оьзлер тюп болгъангъа мюкюр болгъанлар.

1613-нчю йылны февраль айына Земский собор янгы пача гьисапда Романовланы тухумундан биринчи пача сайлагъан. 1649-нчу йылда Алексей Романовну указы булан 1917-нчи йыл болгъунча 22-нчи октябр рузнама булан пачалыкъ байрамы болуп тургъан. Православный килиса рузнамагъа гёре шо гюн 4-нчю ноябрге гёчюрюлген.

Россияны Президенти Владимир Путинни Федеральный законгъа этген къошумуна гёре 4-нчю ноябр Халкъланы бирлигини гюню болуп токътай. Шо гюн Россияда ишлемейген гюн гьисапда да гёрсетилген.

Халкъланы бирлигини гюнюн пачалыкъ байрам гьисапда къабул этебиз ва шо байрамда ортакъчылыкъ этмек гьар ватандашны борчу деп гьисаплайбыз. Шо гюн Дагъыстанны тахшагьары Магьачкъалада ва башгъа шагьарларда ва юртларда, гьар йыл йимик, байрам чаралар болажакъ. Байрам чараларда ортакъчылыкъ этмеге ватандашларыбызны чакъырабыз.

 

А. ГЬАМЗАЕВ.

 

Количество показов: 932
31.10.2014 09:40

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта