Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.news"Времена"В ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018БлогосфераАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...МаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Къоллавчуланы разилигине тергев арта

Гюнлюк низамгъа салынгъан «Кёп квартирлик уьйлени ишлерин ёрукълашдырывда далапчылыкъны къоллавгъа байлавлу шагьатнамаларын токъташдырыв» деген аслу масъалагъа байлавлу болуп республикабызны баш яшавлукъ пачалыкъ инспектору Али Жабрайылов Дагъыстанны шагьарларындан ва районларындан гелген кёп квартирлик уьйлердеги управляющий компанияланы башчыларына, тюрлю оьлчевде чалышагъан депутатлагъа, ДР-ни Жамият палатасыны ва республикабызны муниципал къурулувларыны башчыларына толу кюйде баянлыкъ берди десек, гьакъыкъатгъа къыйышмай къалмас.

Белгили болгъан кююнде, лицензия комиссиядан оьтюп, алгъа салынагъан талапланы бажарывлу кюйде кютеген управляющий компанияланы башчыларына далапчылыкъ булан машгъул болма толу кюйде ихтияр берилежек. О саялы да олардан пачалыкъ яшавлукъ инспекция гележекде экзаменден уьстюнлю кюйде оьтгенлерден далапчылыкъ булан машгъул болма имканлыкъ береген хас аттестатын да талап этежек. Уьстевюне, оланы чалышыву эсгерилген тармакъдагъы тийишли федеральный законлагъа ва шолай да 731-нчи номерли хас пачалыкъ стандартланы токъташдырагъан къараргъа кюрчюлендирилежек. Демек,  олардан яшавлукъ уьйлерде яшайгъанланы алдында болгъан гьисап беривлери де тергевге алынажакъ.

Жинаятчылыкъ ишлер саялы айыплангъан, такъсыргъа тартылгъан тайпалар кёп квартирлик уьйлерде далапчылыкъ ишлер юрютюв булан машгъул болагъан управляющий компанияланы башчыларын этип белгилев гери урула.

Кёп квартирлик уьйлердеги управляющий компанияланы башчылары бу йыл апрель айны 1-нден тутуп алгъа салынагъан тийишли талаплагъа толу кюйде тюшюнме ва аттестатлардан таъмин этилмеге герек.

Прес-конференцияны ахырында аян этилинген кюйде, шолай талаплагъа бойсынып, ишлени юрютюп болмайгъан управляющий компаниялар рынокдан таймагъа борчлу болажакъ.

2015-нчи йылны май айыны 1-не ерли шолай документлени гери уруп ишлеме муштарлы управляющий компаниялар къаршылашса, олагъа федеральный закон булан гьарисине 250 минг манатны къадарында къоду салынажакъ. Неге тюгюл, къоллавчуланы талапларын кютювде даим багьаларын артдырып турмайлы, къуллукъланы сан янын къолайлашдырмаса, разисизликлени алдын алма бажарылмайгъаны да гьакъ.

Прес-конференцияны ахырында пачалыкъ яшавлукъ инспекцияны башчылары ва касбучулары кёп къадардагъы соравлагъа жаваплар къайтарды.

 

Къ. КЪАРАЕВ.

Суратда: прес-конференция  юрюлеген вакъти.

Количество показов: 408
06.02.2015 14:37

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта