Уллу Уьстюнлюкню 78 йыллыгъына


Совет Союзну Игити Иса СОЛТАНОВ 1917-нчи йылда Гьажимажа-гьатюртда тувгъан. Охуп 7 класны битдире. Къазан шагьардагъы автодорожный техникумну битдиргенде, Къызыл Армияны сыдраларына чакъырыла.
Иса Харьковдагъы танк училищени 1941-нчи йылны август айында битдире, лейтенант чин ала ва училищени Орта Азиягъа чыгъара. Билими бар Исаны буса яш танкистлени давгъа уьйретме сала. Ол давгъа 1944-нчю йылны башында къуршала. 1-нчи Украина фронтну 4-нчю танк армиясыны 126-нчы танк полкундагъы взводуну командири этилинип белгилене.
Немислени дагъытывда гёрсетген къоччакълыгъы учун Къызыл Юлдуз, Дав Къызыл Байракъ орденлер булан савгъатлангъан. Одер оьзенни гечивде старший лейтенант Иса Солтанов ротаны командирини орнун тута ва немислени 9 танкын, 8 бронетранспортёрун, 18 автомашинин яллата ва 80 немисни де оьлтюре. Шо къоччакълыгъы учун Совет Союзну Игити деген атгъа гёрсетиле. Указ чыгъып, савгъат етишгенче, Иса оьле ва Польшаны Кёбен деген шагьарында гёмюле.